تحمسين بصل وثوم بزيت لين يحمر ثم تضيفين الدجاج المقطع والمغسول وتكونين متبلته قبلها بساعتين وتضيفين بهارج( كركم وكاري وفلفل اسود واحمر وزنجبيل وكمون) وماجي ثم شرايح الطماط ومعجون الطماط وحطي عليه شويه ماي ( مروق) وضيفي الكزبره وخليه ربع ساعه ثم البطاط المقصص دوائر والمقلي والزهره المسلوقه والمقليه
ثم الارز احطه فوق البطاط والزهره وازيد مايه وخليه يستوي وانا استخدم رز التموين نوع بسمتي الحبه الطويله (XL) وبالنسبه لكميه الماي يكون الماي فوق العيش باصبعين
او طريقه امهاتنا ، تحطين القفشه( الملعقه) بنص القدر بعد اضافه الارز للماي واذا طاحت القفشه يعني الماي اكثر من اللازم وقللي من الماي لين تشوفين الملعقه ثابته
وخليه علي نار عاليه لين يطبخ ويقل الماء وهدي علي النار
ليست هناك تعليقات:
إرسال تعليق