السبت، 29 ديسمبر 2012

شوربه العدس

شوربه العدس... شوربه المدارس ... شوربه الطيبين
كل كوب ماي 🔚 مع ربع كوب عدس
وال٤ كوب ماي 🔚 مع كوب عدس
انا سويت ٨ كوب ماي 🔚 مع ٢ كوب عدس
تغسلين العدس وبعدين فوحيه مع الماي بدون حماس ، حطي عليه بصله مقطعه وثومه مدقوقه وكمون وملح وكركم وفلفل اسود واذا استوي خليه يبرد واضربيه بالخلاط ثم نرجعه يطبخ علي نار هاديه شوي ونقدمه

الخميس، 27 ديسمبر 2012

فوتشيني بالصوص الاخضر

تحمسين بصله مقطعه صغير مع ثومه مدقوقه بزيت وزبده مع شوي كركم وكاري وفلفل اسود وملح وتالي دجاج مقطع صغير وخليه شوي ثم كزبره مفرومه شوي تالي الفوتشيني المسلوق بماي وملح وزيت وبالاخير الصوص الاخضر ( كريمه الخفق مضروبه بالخلاط مع سبانخ مجمد اخذي ربع الجيس او فريش ويعطي الصوص لون اخضر) فوق الحمسه ،،.. ويقدم😃👌

الثلاثاء، 25 ديسمبر 2012

برياني دجاج لذيذ

اتبلين دجاج مقطع ثمان قطع بعصير ليمون وبصل وملح وكركم وشوي خل لساعتين
اتحمسين شرايح بصل وكثري منه بزيت وشوي سمنه وتبليه بكركم وفلفل اسود واحمر وبهار جرام ماسلا وماجي وصبغه الزعفران ثم قطع الدجاج والثوم المدقوق والزنجبيل الطازج ثم مكعبات بطاط اتحمسينها شوي وبعدين معجون طماط وخليه شوي يتسبك ثم كزبره مفرومه وخليه شوي وحطي شويه ماي يصير مثل المروق لين ينضج الدجاج ، سوي عيش مشخول وصفيه، وحطي بالقدر سمنه ثم نص العيش ثم حمسه الدجاج ثم باقي العيش ورشي فوقه نقوعه ماي ورد نص استكانه فيها هيل بودر وزعفران وصبغه العيش وقدميه

الأحد، 23 ديسمبر 2012

المربين

تغسلين ربيان واتبلينه بكركم وثوم وعصير ليمون وخل وخليه ساعه ، بعدين فوحي ماي بالجدر وحطي بهارات صحيحه وبصله مقطعه وثوم مدقوق وملح وكركم ثم تضعين الربيان بعد غسله من التتبيله وخليه لين يغلي ويستوي الربيان ثم يصفى ويحفظ الماء للارز
ثم نحمس بصل (كثري بصل ) بزيت لين يلين ثم الثوم والزنجبيل الطازج وبهار جرام ماسالا ومعجون طماط ثم الربيان علي نار هاديه مع فلفل( اختياري) وشوي ماي يتسبك ثم كزبره وشبنت مفروم ، سوي ارز مشخول بماي الربيان مع زيت وملح وزودي الماي لين ينضج ثم صفيه ،
اخذي الجدر وحطي سمنه ثم نص الارز ثم حمسه الربيان ثم باقي الارز وفوقه نقوعه ماي ورد نص استكانه فيها هيل بودر وزعفران وصبغه زعفران وزبده او سمنه علي وجه الارز وعلي نار هاديه شوي ثم يقدم

Victoria cake .... فيكتوريا كيك

المقادير: بالكوب المعياري
١و ٣/٤ كوب طحين ذاتي الاختمار وملعقه طحين اضافيه
١كوب سكر + ٢ ملعقه اضافيه
اصبعين وربع زبده بحراره الغرفه( وزن الاصبع ..١ غرام)
٤ بيض بحراره الغرفه/ ملعقه كبيره فانيلا سايله/ ١/٢ ملعقه بيكنج بودر

الطريقه:
نخفق البيض مع السكر بالخلاط ٧- .١ دقايق للحصول على مزيج ابيض وتكون كيكه هشه
ثم نضيف الزبده المذابه والفانيلا تعطي طعم
وبعدين ضيفي الخليط للطحين والبيكنج بودر المنخول وحركيه بالملعقه علشان تندمج المكونات وبعدين بخفاقه الحليب يدويا افضل
ونقسم الخليط في صينيتين مدهونه ومرشوشه طحين وندخلها فرن مسبق الفتح بربع ساعه ونخليها ٢٥ دقيقه الرف الوسطي حراره .١٨ درجه وبعود اسنان ايضا للتاكد
وبعدين نطلعها برا الفرن ربع ساعه وبعدين نقلبها وسقيها عصير علشان تكون طريه
، نضع الطبقه الاولي من الكيك وفوقها
الكريمه المخفوقه ليثخن القوام ( ١ كريمه خفق مع ٢ ملعقه سكر بودر مع ملعقه صغيره فانيلا
ثم نضع فوقها صوص الفراوله( علبه مربي فراوله بالميكروويف دقيقتين ونخلط معاه شرايح الفراوله ) ثم الطبقه الاخري من الكيك ويرش الوجه بالسكر البودر ويزين فراوله 🍓

الجمعة، 14 ديسمبر 2012

فول مدمس بالخلطه

تحمسين بصل اخضر مقطع صغير او بصله عاديه مع ثومه مدقوقه وكزبره مفرومه بزيت زيتون وتبلينها فلفل اسود وكمون ثم اتضيفين طماطه مقطعه صغير وفلفل علوب حار( اختياري) وشويه ماي وضيفي فول مدمس ( حلو فول حدائق كاليفورنيا) وملح وخليه شوي ثم حطيه في صحن التقديم وحطي عليه خلطه
من طحينيه سايله مع شويه ماي وشوي روب وعصير ليمون ورشه ملح وزينيه بزيت زيتون ورشه فلفل احمر

الخميس، 13 ديسمبر 2012

حلا الفول السوداني

الكميه تكفي ل٢٤ الى٣٠ قالب
الطبقه الاولى
بسكوت دايجستف يطحن( علبه اللي ٢٥٠ غ)
(١ونص) قيمر الصغير
٦ ملاعق فول سوداني كريمي
اخلطيهم واعجنيهم وتكون عجينه لينه ورصيها بقالب ميني كب كيك داخل اوراق الكب كيك
وحطي بنصها قطع من كاكاو جالكسي او سنيكرز ( اللي تحبينه )
الطبقه الثانيه
صبي عليها ٦ جبن كيري وثلاثه ارباع حليب نستله ( مضروب بالخلاط) ودخليه الثلاجه ساعتين وبعدين شيلي اوراق الكب كيك وزينيها بفليك واللي تبينه من زينه وقدميه


الاثنين، 10 ديسمبر 2012

ساندويشات الجبن بالبطاط مع صلصه المشروم

الكميه تصلح ل١٨ او ٢٠ ساندويش🔚 انا استخدمت ساندويش بريوش مخبز الملكي بكل الجمعيات هش وترف)
جبن قشقوان مبشور( ٣٠٠غ) مع موزريلا مبشوره(..٢غ) مع بصل اخضر مفروم( ٢ عود) وشوي زيت زيتون ونعناع مجفف وثوم مدقوق وفلفل اسود وتخلطينهم وتاخذين ٢ كوب من الخليط وتحتفظين فيه اما باقي الخليط تضيفين له بطاطا مسلوقه مهروسه( ٢ حبه متوسطه) وتحشين فيه الساندويش

ثم عمل صلصه المشروم
تحمرين بصله مفرومه في زيت ثم المشروم الشرايح ( الافضل الطازج علبه) ثم شوي ثوم مدقوق مع مكعب ماجي وفلفل اسود واحمر وكركم وكاري وبعدين علبه وثلاثه ارباع من الكريمه السايله( الخفق) لين يغلي وتسكرينه
تحطين ثلاثه ارباع الصوص في صينيه الفرن وتصفين الساندويش المحشي فوقه وصبي باقي الصوص علي الساندويش وقصدريه ودخليه فرن حار .١ دقايق وبعدين شيلي القصدير وحطي على كل ساندويشه خليط الجبن اللي احتفظنا فيه لين يذوب الجبن او يتحمر
بطريقه عبير الراشد / كتاب الذواقه

الأحد، 9 ديسمبر 2012

فيري مشوي بالحبه السودا والنعناع

فيري عدد١٢ حبه من دواجن نايف
اتبلينه بصل وثوم وعصير ليمون وكركم وفلفل اسود وزنجبيل بودر وكمون وملح وصلصه الصويا ومعجون طماط وزيت وتخلينه بالتتبيله اقل شي ساعتين بالثلاجه والافضل الليل كله ، تفتحين الفرن على ٢٥٠ علشان يصير حار ، وبعدين تصفين الفيري في بايركس وتصبين فوقه نقوعه ماي ورد فيها شويه زعفران وصبغه العيش وهيل ناعم وحبه سودا وملعقه زيت وانثري بعد نعناع مجفف ودخلي البايركس الفرن لين يتحمر وقدميه مع ارز مشخول بالاشبنت المفروم والجزر المبشور مع الدقوس

ملاحظه🔚: اذا تبين تحشين الفيري ، تقصين الفيري من البطن وتحشينه بصل مقطع ومحموس بزيت وتحطين علي البصل من بهارج وبعدين تطوين الفري وترصينه بايركس
او بدون قص البطن نفس ماتحشين الدجاج
انا اعطيج جم طريقه

كيكة التمر... لذيذه خفيفه

المقادير:
استخدمي الكوب المعياري للدقه
30 تمره من تمر الخلاص
* كوب سكر
* نص كوب زيت او اصبع زبده( ..١جم)
* 3 بيضات + ١م.ص فانيلا سايل
*٢ ملعقه شاي دارسين بودر( اختياري)
نص كوب ماء.
*3 ملاعق كبيرة حليب جاف.
كوب ونص طحين
١ م. ك بيكنج بودر
١ ملعقه شاي بيكربونات الصوديوم

الطريقه:
نضرب بالخلاط الزبده مع السكر للحصول علي قوام كريمي لمده ٥-٧ دقايق ثم نضيف بيضه بيضه والفانيلا ثم الماء والتمر وباقي المقادير ثم الطحين والبيكنج بودر والبيكربونات المنخول علي دفعات ثم تصب في صينيه الكيك تكون مدهونه بزيت وطحين ويكون الفرن حار قبلها بثلث ساعه على درجة .١٨ لمده .٤ دقيقه او دخلي عود اسنان للتاكد
ويصب فوقها صوص التوفي بعد ربع ساعه من انتهائها
مقادير صوص توفي التمر:
نص كوب سكر مذوب على النار وبعد مايذوب نضيف عليه قيمر ونحرك بسرعه حتى يذوب ثم شويه تمر مذوبته بماي دافي للطعم





السبت، 8 ديسمبر 2012

خطوات عمل المندي في البر

خطوات عمل المندي في البر
والارقام على الصور

١) درام ( برميل) فارغ مالت عصير ( مو تاخذون اللي كان فيها مواد كيماويه) يبيعونه في امغره
٢) الحداد يسوي يده لغطا البرميل وبايب للتنفيس ( خروج بخار الطبخ)
ويسوي في البرميل حوامل للبايب اللي نعلق فيه قدر الدجاج او اللحم
٣) يحفرون حفره في البر اطول بشوي من البرميل .١سم ويحطون البرميل فيه
ويحطون حطب داخل البرميل ويولعونه وممكن الحطب يكون كافي اذا نوعيه زينه او حطوا فوقه الفحم لين يجمر
٤) طبعا العيش ( الارز) تغسلينه وتنقعينه اقل شي نص ساعه والافضل تحمسين بصل شرايح بزيت مع بهارج والملح وطماط ، انت وطريقتج وبعدين العيش وفوقه الماي باصبعين
وتنزلينه تحت على قاعده حديد فوق الفحم
( مركابه)
٥) طبعا الدجاج تبينه مقصص او كامل اتبلينه الليل كله افضل ، انا تبلته قبلها باربع ساعات بصل مبشور وثوم مدقوق وكركم وكمون وكاري وفلفل اسود وملح وزنجبيل بودر وعصير ليمون والصويا وزيت علشان الشوي
وحاطين بمشخال كبير علشان البخار وله حديده تعلقينها علي الحوامل اللي في البرميل
٦) تسكرين غطا البرميل وتغطينه بخيشه او زل زايد عندكم علشان يكون مغطا عدل وفوقه رمل ، بس البايب طالع علشان التنفيس وخروج بخار الطبخ

الثلاثاء، 27 نوفمبر 2012

طريقه صب اللقيمات بالملعقه

ملعقة وسط ...واخذي فنجان فيه اشوي زيت وطاسة العجين والمشخال اللي بتحطين فيه اللقيمات واكيد المقلى اللي فيها الزيت الغزير الساخن على نار هاديه ...
تعصرين العجينه ، نفس الصوره ( الصوره من النت ) وراح تخرج العجينه من المكان بين السبابه والابهام ... وتقريبا راح تخرج بشكل الكوره .... تاخذينها بالملعقه التي غمسناها بالزيت ... عشان لما تصبينها بالمقلى تنزل بسرعه وما تلصق العجينه بالملعقه ( لاتستعملين الماي في صب اللقيمات علشان ماتصير فرقعه في الزيت ).... راح تكون الكور متساويه وحجمهم واحد،

لقيماتي اللذيذه

المقادير:
كرتون لقيمات العلالي او فوستر كلاركس+ ٢قلاص لبن دافئ + ١م.ك خميره+١م.ك بيكنج بودر +١م.ك نشا + ربع قلاس زيت
رشه ملح ورشه سكر ، اذا تبين كاسترد للون الاصفر

الطريقه:
تخلط المقادير مع بعض ، السوائل اولا ثم كرتون العلالي شوي شوي بالعجانه وبعدين بيدي وتكون العجينه اخف من عجينه صب القفشه واثقل من خليط الكيك واذا عجنتيها بيدج اخذي بيدج شويه ماي وردي اعجني ونخليها ساعه تخمر وبعد ماتخمر تحطين عليها ٢ بيضه وتقلينها بالزيت ( تصبينها بواسطة ملعقة في زيت ساخن غزير على نار هادئة إلى متوسطة لين اتحمر وتخلينها بالمشخال ينزل زيتها وتبرد شوي ثم الشيره ، اذا تبين زينيها فستق او سمسم


الثلاثاء، 20 نوفمبر 2012

الحلوى البحرينيه وعلى أصولها

انتبهوا هذا الحلى يحتاج الى نار عاليه جدا ووقت لمدة لاتقل عن ساعه الاربع ،
المقادير
6كاسات ماء
1كاس ماء ورد منقوع بالزعفران
1/2كاس زيت ذره
1كاس دقيق الذره (نشاء)
3 ملاعق متوسطه هيل ناعم
1ملعقه متوسطه لون احمر او اخضر
فستق مجروش – كازو مجروش حسب الكميه المرغوب بها
3كاسات و1/2سكر عادي


الطريقة :
نذوب النشاء في الماء
نضع السكر على النار ويحرك حتى يحمر أي يصبح لونه اشقر غامق
يصب عليه الماء بالنشاء ويحرك بسرعه بالملعقه ستلاحظين تكتل السكر استمري بالتحريك
حتى يذوب تماما ،اضيفي ماء الورد ثم الهيل ثم الزيت وكذلك اللون مع الاستمرار بالتحريك على نار عاليه ، كل 3 دقائق يحرك المزيج ستلاحظين انه يتماسك شيئا فشيئا اضيفي المكسرات واتركيها حتى تشاهدين المزيج يتمدد مثل العلكه
صبيه في طبق التقديم و زينيه بالمكسرات والرهش والورد المحمدي

سلطه البطاط والباذنجان بخبز الزعتر

بطاط وباذنجان مكعبات مقلي وذره وشرايح خس وفوقهم نصب صوص فرنسي البرتقالي
وفوقهم شرايح خبز مقصصه شرايح ومحمصه بزيت زيتون وزعتر

الجمعة، 16 نوفمبر 2012

الجبنيه

2 قلاص طحين ,3 ملاعق كبيرة حليب بودر , 3 ملاعق كبيرة جبن قلاص , ملعقه خميرة , نصف كأس ماء , بيضة .
* تعجن جميع المقادير مع بعضها وتترك العجينة حتى تخمر لمدة ساعة .
* افردي العجينة وقطعيها دوائر بالقطاعات او مربع الي تحبين .
* تقلى في زيت غزير وحار .
* تخفض النار عند القلي .
وبعدين حطي عليها شيره وزينيها بالفستق

الخميس، 15 نوفمبر 2012

حمسه الكوسا بالثوم

كوسه مقطعه شرايح ، ثوم ، وزيت وبهار الكاري وملح وفلفل اسود واحمر

احط الزيت وبعدين الثوم اضيف عليه الكوسه والملح والفلفل والكاري واغطيه الين يستوي

الأحد، 11 نوفمبر 2012

مجبوس البرغل بالطماطم

تغسلين البرغل ( استخدمت ٣ قلاصات ) جم مره لحد ما يصفى معاج الماء( ما يتنقع بس تغسلينه )
تحمسين بصل ابيض مقصص جوانح لحد ما يذبل شوي ثم قطع الدجاج المسلوق نص او ثلاث ارباع سلقه مع بهارج ومكعب ماجي وبعدين تضيفين الفلفل الاخضر والطماط المقصص صغير وتحمسينهم شوي لحد ما يذوب الطماط تضيفين عليهم البرغل مع عصير الطماط ( طماط تقصصينه وتضربينه بالخلاط لا تكثرين عصير طماط لان البرغل راح يستوي مع البخار ) حطي كميه معقوله جنج تسوين مجبوس لحد ما ينشف العصير واخليه شوي على نار هاديه يخدر ... يقدم وعوافي

الشيشبرك

تسوين عجينه ( ربع كيس الطحين ) مع ملح وتحطين ماي وتعجنين لين تحصلين عجينه لينه مثل عجينه الفطاير بس بدون خميره
وغطيها وخليها ترتاح من ربع الي نص ساعه
وتسوين حمسه لحم مفروم مع البصل المقطع صغار وشوي ثوم مدقوق وطماطه مقصصه صغار واذا تبين شوي بقدونس وشبنت حطي مع الملح وبهارج وتاخذين قطعه صغيره من العجينه وافردها دائره صغيره ويوضع قليل من الحشو وتقفل نص دائره ثم تاخذين اطرافهم لورا وتلصقينهم ببعض وتصير مثل الاذن ..

تاخذين قدر متوسط الحجم وتحطين ٥ علب روب مع ١٢ قلاص ماي وقفشه نشا وبيضه كبيره ( النشا والبيض زين علشان ماينفك اللبن اذا طبخ ) وملح وتحطينه على النار وتحركين وماتوقفين عن الحركه علشان مايفك اللبن الى ان يفور وشيلي ايدج وحطي العجين الصغار اللي حشيتيه وياخذ من الوقت نص ساعه ويقدم واذا تبين زينيه بحمسه ثوم وكزبره مفرومه

الجمعة، 9 نوفمبر 2012

حمص بالشاورما

نحمر ثومه مدقوقه وبصله مقطعه صغار بزيت ثم نضيف اللحم ويقلب على النار( انا استخدمت لحم مفروم ماكان عندي فيليه ) ويقلب على النار حتى ينضج مع اضافه القليل من الماء اذا احتاج ثم يتبل بملح وفلفل اسود وبهار، ثم نضع الحمص في طبق التقديم وفوقه الشاورما ويزين بحبات الحمص( النخي) مع البقدونس والسماق

البطاطس المشويه بالاعشاب

نقطع بطاطس اجنحه ونقعها في ماي ساخن مع ملح نصف ساعه ثم تصفى
في مقلاه نحط زيت زيتون ثلث كوب ونحمر الثوم ونضيف البطاطس ويقلب ويتبل اوريغانو وفلفل احمر وفلفل اسود وملح ونخليه علي النار مع التقليب لين ينضج
والصوص: نص كوب كريمه حامضه مع ملعقه شاي اوريغانو ونص ملعقه شاي ثوم مهروس

سلطه الباذنجان بدبس الرمان

نمسح شرايح الباذنجان بزيت زيتون ونتبله ملح وفلفل اسود ثم يشوي على الجانبين بالشوايه حتى تلين وتتحمر
ونشوي بعد شرايح بصل
ثم نسوي طبقات من شرايح الباذنجان والبصل في طبق التقديم ثم نصب الصلصه عليه ويزين بحبات الرمان
الصلصه: ٣ملعقه اكل زيت زيتون مع ٦ ملعقه اكل دبس رمان مع ٣ملعقه اكل كزبره مفرومه ويتبل ملح وفلفل اسود