الأحد، 23 فبراير 2014

كيكه الفستق

نخلط 3 بيض حجم كبير وملعقه كبيره فانيلا سايله وملعقه كبيره ماي زهر وكوب سكر  في الخلاط لين يصير لونه ابيض ( من7-10) دقايق ثم نضيف كوب حليب السايل ثم اصبع زبده ( 100 جرام)  وفي قالب ثاني  ننخل كوب ونص طحين مع ملعقه طعام بيكنج بودر وربع ملعقه صغيره بيكربونات الصوديوم ورشه ملح  ونضيف نص كوب فستق نصب الخليط السايل على خليط الطحين مع اضافه نقطه من اللون الاخضر ( اختياري) من فوستر كلاركس او ويلتون  ويقلب في اتجاه واحد من تحت لفوق 
ثم في صينيتين مدهونه ومرشوشه بالطحين نصب الخليط  ثم تخبز في فرن مسبق الفتح بربع ساعه ونخليها 20 دقيقه الرف الوسطي حراره 180 درجه وبعود اسنان ايضا للتاكد وبعدين نطلعها برا الفرن ربع ساعه تبرد ونقلبها وكل كيكه نقسمه نصين ونوزع عليها الكريمه ونزينها فستق
والكريمه : كريمه خفق كي دي دي ثلاث كرتون + ست ملاعق سكر بودر وبخلاط الكريمه بسرعه عاليه لين يكثف وخليه بالثلاجه يبرد














الثلاثاء، 18 فبراير 2014

كيكه الاناناس 🍍🍍الهشه

 
لمحبي كيكه الفواكه ... وتستاهلون حبايبي ، وماتاخرت عليكم ،،، جربوها وادعولي💕 
وحطيت الفيديو اليوم
واللي ماتبي طحين ممكن تستخدمين خليط الكيك الجاهز الذهبي من بيتي كروكر وبدال الماء استخدمي عصير اناناس وحليب سايل 

نخلط 3 بيض حجم كبير وملعقه كبيره فانيلا سايله وكوب سكر  في الخلاط لين يصير لونه ابيض ( من ٧-.١) دقايق ثم نضيف نص كوب عصير الاناناس ونص كوب حليب السايل ثم اصبع زبده ( 100 جرام)  وفي قالب ثاني  ننخل كوبين طحين مع ملعقه طعام بيكنج بودر وربع ملعقه صغيره بيكربونات الصوديوم ورشه ملح  نصب الخليط السايل على خليط الطحين ويقلب في اتجاه واحد من تحت لفوق 
ثم في صينية مدهونه ومرشوشه بالطحين نوزع شرائح الاناناس والتوت الملون ونصب الخليط  ثم تخبز في فرن مسبق الفتح بربع ساعه ونخليها .٤ - ٤٥ دقيقه الرف الوسطي حراره .١٨ درجه وبعود اسنان ايضا للتاكد وبعدين نطلعها برا الفرن ربع ساعه تبرد ونقلبها ونرشها عصير اناناس او ندهنها بمربي اناناس مخلوط مع ماء الزهر حتى يعطي لمعة 











المجدره

تغسلين ربع كوب عدس اسمر وتطبخينه ربع ساعه او لين ينضج  وتصفينه 
تحطين في القدر ملعقتين زيت زيتون وشويه بهار من ( حبوب كزبره + حبوب كمون + فلفل اسود + وكركم + دارسين + كاري) ثم ضيفي كوبين برغل خشن مغسول ومصفي وقلبيه ثم ضيفي العدس وضيفي كوبين ماي وملح وخليه على نار هاديه تقريبا ربع ساعه او لين ينضج وينشف مايه وقدميه مع البصل البني المقرمش وطريقته تقطعين البصل شرايح وترشينه شويه طحين وملح واقليها بزيت غزير ساخن 




كيكه الفواكه

 كل المقادير بحراره الغرفه
تاخذين 5 بيضات وتفصلين الصفار عن البياض بماعونين وكل ماعون ضيفي له ربع كوب سكر ثم يخفق البياض بسرعه عاليه ليكون كريمي ثم يخفق صفار البيض مع اضافه ملعقه كبيره فانيلا سايله ليكثف حجمه 
نخلط المواد الجافه مع بعض ( ثلاثه ارباع كوب طحين + 2 ملعقه كبيره نشا + ملعقه كبيره بيكنج بودر) ثم نضيف المواد الجافه وبياض البيض الى صفار البيض تدريجيا وتخلط بملعقه ثم تصب بقالب مستطيل مدهون ومرشوش طحين بحراره فرن 180
من 25-30 دقيقه واخرجيه وزينيه بشرائح فواكه ثم غطيه بصلصه الكريم ( 3 عصير برتقال  + مغلف كريم كراميل+ 3 ملعقه كبيره نشا وعلى النار لتغلي ويثقل شوي ) ثم يدخل صينيه الكيك الثلاجه ليبرد ويمسك ويقطع ويزين فواكه وكريمه
















الخميس، 13 فبراير 2014

سينابون الكرواسون بصوص لذيذ

تاخذين ماعون الفرن وتدهنينه زبده  وتحطين الطبقه الاولى : 4 كرواسون كبير مقطع الى اربع قطع ثم الطبقه الثانيه 👈 نص الصوص الابيض ثم الطبقه الثالثه 👈 نص خليط الجوز والسكر الاسمر ثم كرري الطبقات : 4 كرواسون مقطع ثم باقي الصوص الابيض ثم باقي خليط الجوز والسكر ، ثم غطي الماعون بقصدير ودخليه فرن حار درجه 180 لمده ربع او ثلث ساعه ثم شيلي القصدير وخليه خمس دقايق وطلعيه وزينيه باي صوص كاكاو  وقدميه ساخن 
الصوص الابيض:
 300 +200 من فيلادلفيا + نص اصبع زبده + نص كوب سكر ابيض  بودر + ملعقه صغير فانيلا + نص كوب حليب سايل بالخلاط
خلطه الجوز والسكر الاسمر:
كوبين جوز مفروم وسط + ربع اصبع زبده+ نص كوب سكر اسمر + ملعقه صغيره دارسين مطحون




اسكندر كباب

  
كيلو لحم طازج مفروم متبل وجاهز ( او انت تسوينه بمفرامه اللحم مع  نص كوب بصل واربع ثوم ونص كوب بقدونس وبهار لحم وفلفل احمر واسود وكمون وملح ) ويكون بالثلاجه على الاقل ساعتين  وتقسمينه من 10الى 15 كوره وتشكينها باسياخ الشواء وتشوينه بالشوايه الكهربا او بالفرن او الفحم تقريبا ياخذ من ربع الى ثلث ساعه ينضج
بصحن التقديم ضعي خبز لبناني مدهون زيت زيتون وحمريه بالشوايه ثم صفي الكباب المشوي ثم صلصه بيتزا جاهزه ماركه Mf بس سخنتها وصبيتها على الكباب ثم صلصه بيضا : علبه روب + 4 ملاعق طحينه( هرده) + 2 ملعقه طعام عصير ليمون + ربع ملعقه صغيره ثوم مدقوق


الأحد، 9 فبراير 2014

باستا الفريدو والذره المحمصه ..

 
تحمسين بصله مقطعه صغار مع ثومه مدقوقه  بزيت وزبده وضيفي فلفل اسود واحمر وشويه كاري وملح  ثم  فلفل بارد مقصص صغير وفلفل حار صغير مقصص  ثم دجاجه مسلوقه ومسحبه ثم ذره ( نص علبه ) والجزر المبشور وكزبره مفرومه  
 تكونين سالقه المعكرونه ( نص الكميه ) وتحطينها مع حمسه الدجاج  ثم تحطين 6 ملاعق من صوص الفريدو ماركه Mf   وتصبين خلطه الدجاج بالمكرونه  بصينيه الفرن وتصبين فوقها باقي صوص الفريدو بعد ماتسخنينه وترشينها جبن موزريلا  وادخلينها الفرن يذوب الجبن وتحمر
واذا طلعتيها ضيفي لها ذره محمصه بالفرن او الشوايه