السبت، 5 يناير 2013

كب كيك الدجاج

باستخدام قوالب الكب كيك( استخدمت قالبين كل قالب فيه ١٢ )
تستخدمين خبز فرنسي او توست دوائر وانا استخدمت بريوش الملكي ترف قصيته نصين
ونحطه داخل ورق الكب كيك
وسويت حمسه الدجاج: نحمس دجاج بدون عظم مقطع صغار مع بصل وثوم وبهار ونحط شوي فوق كل خبزه
ووزعت بعد بقدونس وشرايح فلفل اخضر
فوق حمسه الدجاج
ونسوي صوص ( 3 م ك جبن سايل 2 م ك مايونيز وعلبه قيمر الكبير )
ونصب شوي فوق الدجاج
وندخلها الفرن من فوق تحمر شوي











الكيكه الالمانيه... ( German cake)

المقادير: بالكوب المعياري
٢كوب طحين ذاتي الاختمار( هوم برايد)
١ كوب سكر
٢ اصبع زبده( الاصبع ..١ جرام)
رشه ملح + ١م. ك فانيلا سائل
٤بيض + نص م.ك بيكنج بودر
١/٤ كيلو ( .٢٥ جرام) كاكاو .. استخدمت الصيداوي الداكن
١/٤ كوب ماء مغلي


الطريقه؛
نسيح الشيكولاته بربع كوب ماء مغلى
نخفق البيض مع السكر بالخلاط ٧- .١ دقايق للحصول على مزيج ابيض وتكون كيكه هشه
ثم نضيف الزبده المذابه والفانيلا تعطي طعم
ثم الكاكاو الذائب وبعدين ضيفي الخليط للطحين والبيكنج بودر المنخول ورشه الملح وحركيه بالملعقه علشان تندمج المكونات وبعدين بخفاقه الحليب يدويا افضل ونصب الخليط في صينيتين مدهونه ومرشوشه طحين وندخلها فرن مسبق الفتح بربع ساعه ونخليها من ٢٥-٣٠ دقيقه الرف الوسطي حراره .١٨ درجه وبعود اسنان ايضا للتاكد
وبعدين نطلعها برا الفرن ربع ساعه وبعدين نقلبها

صوص ( كريمه) الكيكه:
علبه حليب نستله المكثف
نص كوب سكر( او الكميه اللي تبين)
٢ صفار بيض
نصف اصبع زبد( ..١جرام)
ملعقه وسط فانيليا سايله
اخلطيهم على نار هاديه .١ دقايق
ثم اضيفي كوب و نص جوز هند
ثم كوب جوز(عين جمل ) محمصه ومجروشه
وقلبيها شوي
اتركيه يهدأ شوي علشان تقدرين تفردينه على الكيك جيدا ويمكن تغطيه الجوانب بطريقه عشوائيه لانه خشن الملمس
وخليها فى الثلاجه نص ساعه لتتماسك الكريمه و بعدهاا يمكن تقديمها و تقطيعها













سلق الفقع + مجبوس فقع ولحم

الفقع تقشرينه خفيف جدا بس ايطيح التراب وتغسلينه عدل وتحطينه بماي علي النار انا اغير الماي ثلاث مرات علشان التراب اللي فيه وبعدين اخليه يفوح ( يغلي) حطي معاه ملح فقط لاتحطين بهار يضيع طعمه وخليه لين ينضي وبعدين اهرسيه مع سمن وخبز ايراني...

والمجبوس:
تحمسين البصل العادي والاخضر مع سمن وزيت لين يذبل شوي وحطي من بهارج( كركم فلفل اسود واحمر وشوي من صبغه العيش وكاري وزنجبيل) ثم الفقع اللي سلقتيه احمسه ثم اللحم اللي سلقته وبعدين اضيف الطماط المقطع تصير عندي مثل الكشنه واضيف بطاط مقطع دوائر ومقلي ( اختياري ) وبعدين الماي والعيش ( نقعته بماي وقفشه ملح ساعه ثم صفيته) ⬅الماي فوق العيش باصبعين وخليه يطبخ وهدي علي النار وقصدريه لين يخلص وقدميه









تتبيلات منوعه للسمك والربيان والدجاج واللحم