البتر تشيكن الهندي ( دجاج بالزبده) ،،،

 

نتبل صدور دجاج بدون عظم ( 800) جرام ومقطع مكعبات كبار ب: عصير ليمونه + 2م.ص زنجبيل مبشور+ 2 م.ص ثوم مهروس + شويه ملح + 1م.ص فلفل حار احمر بودر 👈 وخليه نص ساعه بالثلاجه ثم نخرجه ونزيد عليه علبه روب ( زبادي)  + 1/2 م.ص بهار جرام ماسالا + 1/2 م.ص كركم +3م.ص زيت ونخليه اقل شي نص ساعه وكل مازاد وقت التتبيله افضل ، بشوايه كهربا او مقلايه مضلعه على الجوله( النار) نضع قطع الدجاج بعد ماتنشفينه من التتبيله الزايده  ونشويه .. بقدر نضع 5 طماطم كبار مقطعه اربع قطع + ثلاثه ارباع كوب ماء + 5 فصوص ثوم مقشر + 1م.ص زنجبيل مبشور + 5 حبات هيل + 3 قرنفل وورق الغار 👈 نطبخه ونقلبه لين يذوب الطماطم ثم اضربيه بالخلاط ثم صفيه ورجعيه للقدر ليغلي ثم ضيفي قطع الدجاج المشويه مع 2 فلفل اخضر طازج حار + ملعقه كبير ونص من معجون البتر تشيكن ماركه Mf وخليه شوي يثقل ( خمس دقايق) وضيفي نص كوب كريمه خفق + نص م.ص بهار جرام ماسالا وهدي النار وخليه شوي ثم اطفئي النار وضعي نص اصبع زبده مقصص شرايح وحركي الصوص لين تختفي الزبده ... ويقدم