٣ كوب طحين المعجنات واللقيمات شركه المطاحن الكويتيه
٢ كوب لبن دافئ
٢م.ك طحين نخي ( حمص)
٢م.ك نشا
ربع كوب زيت
١م.ك سكر + رشه ملح + رشه زعفران + ١م.ص هيل
الطريقه:
تخلط المقادير مع بعض ، السوائل اولا ثم الطحين شوي شوي بالعجانه وبعدين بيدي وتكون العجينه اخف من عجينه صب القفشه واثقل من خليط الكيك ونخليها ساعه تخمر ( مايحتاج تحطين خميره لان الطحين فيه خميره ) وبعد ماتخمر تحطين عليها بيضه وتخلطينهم وتقلينها بالزيت ( تصبينها بواسطة ملعقة في زيت ساخن غزير على نار متوسطة لين اتحمر وتخلينها بالمشخال ينزل زيتها وهي حاره تصبين عليها الشيره البارده ... انا استخدمت كوب شيره مع ٤ ملاعق دبس تمر خلطتهم لذيذ جربوه ، اذا تبين زينيها فستق او سمسم
طريقه الشيره:
٤كوب سكر مع ٣ كوب ماي علي النار لين يغلي وهدي علي النار وضيفي زعفران ونص عصير ليمونه وشويه هيل وماي ورد ملعقه كبيره وخليها لين تثقل لازم شيره اللقيمات ثقيله مو خفيفه تقريبا يبيلها ساعه او ساعه وربع المهم تثقل ودخليها الثلاجه تبرد
ليست هناك تعليقات:
إرسال تعليق