استخدمت خليط المعجنات واللقيمات المخمر لشركه المطاحن الكويتيه ... الكيس كله( كيلوجرام) مع اللي مكتوب عليه ٢كوب ماي مع نص كوب زيت زيتون وزدت من عندي ٢م.ص سكر و ١م.ص ملح و نص كوب سميد ناعم ( السميد يعطي نكهه وقوام ومقرمشه.... طبعا ابتدي بوضع الطحين مع الزيت بالعجانه ثم الماي شوي شوي مع الملح والسكر واخر شي السميد وضيفي ٤ملاعق كبار ماي عموما لين تحصلين عجينه طريه ناعمه وماتكون ناشفه
وبعدين بيدي لين تحصلين كره طريه وناعمه وحطيتها بصحن مدهون ودهنت العجينه بزيت زيتون وحطيت عليها بلاستك ودخلتها الثلاجه الليل كله علشان ترتاح وتعطي نكهه وقوام وسهوله فردها وطلعيها ثاني يوم قبلها بثلاث ساعات علشان تسوين البيتزا... وبعدين اضغطي العجينه لتغيير توزيع الهواء ثم تقسم كور وعددهم ٨ وتترك ترتاح ربع ساعه بعد تغطيتها بالفوطه .. تفردين كره العجينه علي سطح مرشوش طحين على شكل دائره باستخدام فراده ونوصلها الى انحف شئ وانحطها على الخشبه تكون مرشوشه طحين وسميد ونتاكد ان البيتزا اتحرك علي الخشبه قبل اضافه اي شئ عليها والكميه اللي انحطها على البيتزا تكون بسيطه لانها نحيفه
انقل البيتزا على الحامل الخشبي الى صانعه البيتزا وتزحلق للحجر الحار،الحجر واهو انجح شئ للبيتزا بصراحه ولازم قبل وضع البيتزا من الخشبه يكون الحجر حار قبل الاستخدام والجهاز على رقم ٢ والوقت من ٥-٧ دقايق واذا حطيتي البيتزا اغلقي الجهاز واذا حطيتيها بصانعه البيتزا تكون انفشت وصار فيها جهات شبه محروقه والوسط مطبوخ والجبن ذاب والطبقه اللي تحت ذهبيه فتكون البيتزا استوت ثم نخرجها من صانعه البيتزا وبين كل بيتزا والثانيه علي الاقل ٣دقايق
طبعا العجينه تقدرين تحفظينها بالفريزر بعد العجن تدهن بشوي زيت زيتون وتحفظ في كيس في الفريزر واذا بتسوونها اطلعونها قبلها بيوم بالثلاجه
بيتزا مارجريتا او مارغريتا 🍕ومكوناتها صلصه البيتزا وانا استخدمت صلصه البريقو الجاهز ثم جبن موزريلا طازج وابشريه افضل ثم طماط مجفف وقبل ماتخلص بدقيقه رشيها زيت زيتون وريحان طازج وأوريغانو ...
و بيتزا البيبروني🍕 .. Pepperoni Pizza... ومكوناته صلصه بيتزا وانا استخدمت صلصه البريقو الجاهز ثم جبن موزريلا طازج وابشريه افضل ثم البيبروني ( نوع من السجق او النقانق) واذا طلع رشيه اوريغانو... الطعم والعجينه عجيبه ولذيذه واحلا من محلات البيتزا👍
ليست هناك تعليقات:
إرسال تعليق