دجاج بالطريقة التركيه

نقطع دجاجه ٨ قطع ونغسلها بالملح وطحين وبعدين نتبلها بملح فلفل وشطه وزنجبيل نص ليمونه ونخليها على الاقل ساعه وبعدين نحمس بصله مقطعه حلقات ونقلبها لحد لما تصفر وثوم وبهارج ونضيف معجون طماط + 2 ملعقه صويا صوص وملح وبعدين نضيف الدجاج المقطع ونحمرها ونخليها على نارخفيفه وشويه ماي ( مروق) لين تنضج ،نحط حمسه الدجاج ( لازم يكون فيها شويه مرق ، ماتكون ناشفه) و نحطها فى صينيه مدوره او ماعون للفرن ونفرد العجينه عليها كغطاء ( انا استخدمت البف باستري ، تبين عجينتج وتخلينها تخمر كيفج ) ندهن الوجه بالبيض ونرش حبه البركه وندخلها الفرن 1/3 ساعه
ملاحظه: ماعوني مو صغير فحطيت ٢ بف باستري رقيتها ولزقتهم بعض علشان تغطي الماعون تبين تكررين طبقه ثانيه وثالثه عادي