رولات التوست بالدجاج

تحمسين بصل وثوم في الزيت ثم الجزر المبشورثم الفلفل الرومي المقصص صغار وبهارج (فلفل أسود و ببريكا- كمون - كزبره -بهار ماسالا- كركم) وشوي صويا صوص و دبس رمان ثم لحم دجاجه مسلوقه وقلبيه دقيقتين تالي طفي النار ضيفي ٢ ملعقه مايونيز اذا تبين ثم نأخذ التوست وتقطع اطرافه ويفرد ونحشيه ونلفه واحط بالصينيه شوي من الصوص وبعدين التوست
والصوص: ثلاث ملاعق جبنه سائله / 2ملعقه صوص الرانش او مايونيز / وواحد قيمر كبير
ثم يوضع الصوص على وجه الصينيه ويرش باوريغانو وسماق ثم يوضع بالفرن من تحت عشر دقائق ثم من أعلى ليتحمر

للحصول على مقالي مقرمشه

للحصول على مقالي مقرمشه ( دجاج او ربيان او بطاطس) نغمسها بطحين بعد مانظفها ونتبلها هذا بالنسبه للحوم ثم بيض ثم بقسماط ( وافضل نوع بانكو) أو الشوفان أو الافضل تستخدمين الكورن فليكس عجيبه قرمشته وتكسرينه( افضل نوع بوديج) والافضل تحطينها بالثلاجة لساعة عشان يلصق الكورن ومايفك منج ف الزيت واقليه بزيت غزير واذا بديت تقلينه خلي النار هاديه علشان ينضج ومايحترق الكورن

حمسه الهمبرجر

تقلين همبرجر وتقصصينه شرايح طواليه،
وتقلين بطاطه مقطعه مربعات
تحمسين بالمقلاه بصل وثوم مدقوق وشوي من بهارج وفلفل اسود ثم طماطه مقصصه صغار وشوي معجون طماط وتخلينه شوي ثم تضيفين الهمبرجر تحركينه شوي وتحطين فوقه البطاط المقلي وفوقه جبن شيدر السلايدر ( انا استخدمت المبشور ماكان عندي الشرايح) وتغطينه ، لازم النار واطيه .. بس يذوب الشيدر

طريقه محشى البصل

تاخذين بصل متوسط الحجم ونقشره ونغسله وتقصينه بالسكين لحد المركز مو كله مثل الصوره نحطه في قدر ونضيف له الماء لين يغلي تبتدي الطبقات اتفكك ثم نصفيه عن الماء وتكون القشرة لينه ... نفتح الطبقات كل وحده بروحها اللب طبعا ما نستخدمه ...
نبدأ نحشي كل طبقة ونلفها مثل الرول .
.

محاشي ( كوسا - ملفوف - باذنجان - بصل وفلفل احمر وطماطم وبطاطس )

المقادير حسب عدد الأشخاص اللي عندج
تحفرين الكوسا والباذنجان والطماطه والفلفل مع الاحتفاظ براسهم تسكرينهم فيها بعدين والملفوفه نحفرها من النص ونشيل الجزء اليابس منها نحاول نفتح الاوراق شوي بيدنا تحطينها في ماء حتى تغلي قليلا ثم اطفين النار لا تخلينها تنهري مجرد ما تلين شوية تشيلنها بالمشخال عشان ينزل مايها وهي راح تتفكك بروحها اذا الورقة كبيرة قصيها 2 ) والبصل ( تقشرين البصلة وتسوين فيها شق بطرف واحد بس وتقطينها بالماي المغلي شوية بس تلين شيليها وفككي الحلقات بس انتبهي ما تنشق عشان تكون جاهزة للحشو

الحشوه
تحمسين بصل وثوم مهروس مفروم مع لحم مفروم ( اطعم ) وطماط مفروم صغير مع بهارج وماجي ودبس رمان وليمون ومعجون طماط وتخلينه يتسبك ثم البقدونس وشبنت شوي وتخلينه يبرد شوي ثم على رز مصري مستوي نص طبخه تخلطينهم وتبدين تحشين المحاشي

الطريقه
حطي في جدر كبير شرايح البطاطس وفوقها الكوسا والباذنجان والفلفل والطبقه اللي فوقه الملفوف لانه بسرعه يستوي وفوقه البطاطس والبصل والطماطه وحطي خليط الطبخه : ٢ مكعب ماجي ربع او اقل كيس صبار ( تمر هندي ) + عصير ليمونة وشوية زيت زيتون ومعجون طماط تذوبينهم بماء حار وذوقيه اذا يبي ملح و حطي على هذه الطبقات صحن صيني وفوقه ثقل عشان ما ينفكك المحاشي اثناء الطبخ ويكون خليط الطبخ اذا ضغطتي الصحن بالثقل مغطي الصحن وخليه علي النار لين يغلي وبعدين هدي النار تقريبا ساعتين وشيكي علي الماي اذا نقص
بعد ما يستوي قلب الجدر بصينية كبيرة

حلا التوست اللذيذ

كيس التوست تاخذين التوسته وتقصين اطرافه وتفردينه عدل مدل وتقصينه بالطول اثنين وتدهنين كل قطعه بصفار بيض وتحطين على الطرف قطعه جبن كيري وتلفينها مثل الرول وتضغطين علي الاطراف علشان تلصق وماتفك بالزيت وبعدين اقليها بزيت حار لين تعطي علي لون ذهبي علي بني وخليها شوي بالمشخال لين تشوفين مافيها زيت وبعدين حطي باطرافها نستله وغمسيها بفستق الاطراف وحطيها بطبق التقديم وصبي عليها نستله .. غطيها بلاستك وخليها ربع ساعه الي نص ساعه وتلين لان اول مااطلعينها من القلي تكون يابسه شوي.. وعوافي
@fatometooo

اسباجتى بالكفتة والصلصة بالاعشاب

تقلين كفته لحم او دجاج المواشي
وتحمسين بصل وثوم وزنجبيل شوي مبشور بزيت وزبده ثم نضع عليه الكفتة ونقلب الجميع ثم نضع الطماطم المضروب بالخلاط والصلصة وعليهم شوي ماي وشوي كركم ورشه اوريجانو وروز ماري ونخليه يتسبك .
ثًم نضع الاسباجتي المسلوقه ونقلبها لتتشرب الصلصة شوي وتقدم .