حلا الاوريو البارد

الطبقه الأولى : علبه كيك سرالي بالكاكاو تفتتينه وتوزيعنه بالكاسات وتضغطين عليه
الطبقه الثانيه؛ نخلط ٣قيمر صغير( ١٢٥جم) مع ٣دريم ويب مع كيس بسكوت اوريو( ٤ حبات) مطحون
الطبقه الثالثه؛ نخلط ٢قيمر صغير( ١٢٥جم) + ١دريم ويب
ثم يزين ببسكوت اوريو مطحون وحبه اوريو

عيش ( رز) الدجاج بالخضار

تحمسين بصل وثوم بزيت لين يحمر ثم تضيفين الدجاج المقطع والمغسول وتكونين متبلته قبلها بساعتين وتضيفين بهارج( كركم وكاري وفلفل اسود واحمر وزنجبيل وكمون) وماجي وفلفل اخضر ثم مكعبات البطاط وجزر مبشور وتحمسينه ثم البازاليا ومكعبات الطماط ومعجون الطماط وحطي عليه شويه ماي علشان يستوي الدجاج ( مروق) وضيفي الكزبره وملح واذا استوى الدجاج دخليه الفرن بس من فوق علشان يحمر وتدهنينه بشويه ( زيت زيتون ومعجون طماط وصلصه صويا ودبس رمان وعصير ليمون)


اما الارز احطه فوق الخضار وازيد مايه وخليه يستوي واحط الدجاج المحمر فوقه وانا استخدم رز التموين نوع بسمتي الحبه الطويله (XL) وبالنسبه لكميه الماي
يكون الماي فوق العيش باصبعين
او طريقه امهاتنا ، تحطين القفشه( الملعقه) بنص القدر بعد اضافه الارز للماي واذا طاحت القفشه يعني الماي اكثر من اللازم وقللي من الماي لين تشوفين الملعقه ثابته
وخليه علي نار عاليه لين يطبخ ويقل الماء وهدي علي النار

حلا الكرسبي سهل ولذيذ ....

رقائق شوكولا علي شكل شيبس( كرسبي) تصفينها بصحن التقديم ثم شعيريه باكستانيه تكسرينها بيدج وتحمسينها بزبده وبعدين تضيفين لها حليب نستله المكثف وتحطينها فوق الكرسبي ثم حبات المالتيزر وبس😃

مولتن تشوكلت كيك

١) تسوين كيكه كاكاو الجاهز وتصبينها بهالقوالب وتكون مدهونه بزيت ومرشوشه بودره كاكاو ودخليها فرن حار لمده ثلث ساعه او عود اسنان وطلعيها تبرد واقلبيها ٢) اتقصين الدائره اللي بالنص ولاتخربين شكلها وخليها علي صوب ٣) وفرغيها من الداخل بدون ماتوصلين القاع ٤) وبعدين صبي فيها الصوص وبعدين غطيها بالدائره .. وحطي عليها ايسكريم فانيلا وزينيها بالهيرشي والتوفي الجاهز واستخدمت كيس الكريمه في التزيين والصوص: ٤ جالكسي حجم كبير مع نص قالب زبده بحمام مائي لين يذوب ثم ضيفي ٢قيمر( قشطه) كي دي دي الصغير و٢-٣ ملعقه هيرشي الحبيبات

تارت الخضار

تبطنين قالب متحرك القاعده بالبطاط المسلوق بملح وفلفل اسود ومهروس وحطي معاه زيت زيتون شوي القاعده والجوانب ثم تدهنينه بصلصه التارتار ثم طبقه باذنجان مقلي ثم طبقه كوسا وجزر مقليه ومقصصه ثم صلصه التارتار تدهنينه ثم طبقه حمسه الدجاج ( نص دجاجه مسلوقه ومسحبه ومحموسه ببصل وثوم وبهارج وملح وشبنت وكزبره مع ملعقتين مايونيز ) ثم الطبقه الاخيره فوق حمسه الدجاج صلصه بيضا : كريمه خفق سايله مع قيمر صغير و٢م .ك جبن قلاص سايل وتزين مازوريلا وجبن قشقوان مبشور ودخلينه الفرن ربع ساعه تحت وفوق يتحمر وتخلينه برا يبرد ربع ساعه ثم تفكين القالب من الجوانب ويقدم

كيكه الرهش بالدبس( حلاوه طحينيه)

استخدمي الكوب المعياري
الخليط روبن هود الابيض
+ اصبع زبده (..١جم)
+ كريمه حامضه
+ كوب طحين منخول
٢ملعقه وسط نشا
+ كوب وثلث حليب
+ ٣بيض + ملعقه وسط فانيلا سايل
وشوي هيل وزعفران+ كوب سكر
كوب رهش بالدبس ( حلاوه طحينيه)

الطريقه؛
نضرب بالخلاط الزبده مع السكر لمده ٥-٧ دقايق ثم نضيف بيضه بيضه والفانيلا والهيل والزعفران ثم الحليب والكريمه الحامضه ثم الرهش ( حلاوه طحينيه) ثم نضيف الخليط الي الطحين والنشا وخليط روبن هود ثم تصب في صينيه الكيك تكون مدهونه بزيت وطحين او هرده ( طحينيه) ويكون الفرن حار قبلها على درجة .١٨ لمده ٤٥ دقيقه او دخلي عود اسنان للتاكد ويصب فوقها صوص الرهش بعد ربع ساعه من انتهائها
فوندو او صوص الرهش؛ ربع كيلو رهش بالدبس( حلاوه طحينيه) + لتر حليب سايل+ نص علبه صغيره طحينه+ شويه سكر وحطيها علي النار لين تثقل وزيني فيها الكيكه مع دبس التمر بعد

تارت البسكوت

تضربين بالخلاط: ٣بيض +نص كوب سكر +١م.ص فانيلا +نص كوب حليب سايل + اصبع زبده( ..١جم)
ثم تضيفين الخليط الى:
١و١/٢ كوب بسكوت دايجستف مطحون ( ١٧ بسكوته) +١م.ص بيكنج بودر
وتخلط جميعا ثم تصب في قالب التارت المدهون بالزيت ويدخل الفرن لمده .٢ دقيقه ثم يترك يبرد ربع ساعه ثم يقلب
مقادير الوجه؛
٥جبن كيري+ قيمر( قشطه) نستله او بوك + نص حليب نستله + كيس دريم ويب ،، تخلط وعلي وجه التارت ويزين بالهيرشي


اذا تبينه تارت بالفستق : ضيفي للخليط اللي بالاول 🔙 ١م.ص هيل+١م.ص ماي ورد وشويه زعفران+ نص كوب فستق مطحون
وزيني التارت بالهيرشي علي شكل دوائر والفستق وانت وذوقج 😃

اللزانيا بالباشاميل

تحمسين بصل بزيت وزبده وثوم مدقوق ثم طماطه مقصصه صغيره ثم لحم مفروم تكونين مغسلته عدل مدل وبهارج وبقدونس وشبنت مفروم ثم معجون طماط وخليها اتسبك بس لاتخلين الحشوه تنشف خلي فيها ماي
ثم في بايركس حطي باشاميل ثم شرائح اللزانيا ثم حشوه اللحم ثم باشاميل ورشي جبن قشقوان مبشور ثم لازانيا ثم باقي حشوه اللحم ثم باشاميل ورشي جبن قشقوان ثم اخر طبقه لازانيا ثم باقي الباشاميل ثم جبن قشقوان وموزريلا ودخليها الفرن من تحت
نص ساعه ثم من فوق اتحمر

🔙ملاحظه: كثري من الباشاميل تحت اللازانيا علشان ماتصير يابسه وناشفه واللزانيا مو مسلوقه وراح تطبخ بصوص الباشاميل وبصلصه اللحم وتكون حاره الصلصه،، والباشاميل سوي الجاهز او طريقه انت معتمدتها

ميني البا( بر الوالدين

تضربين بالخلاط ٥بيضات مع ٣اكواب حليب سايل وملعقه صغيره فانيلا سايله وعلبه حليب نستله المحلي الكبير ونص علبه قيمر الكبير ونص استكانه ماي ورد مذوبه فيها ملعقه صغيره هيل وشويه زعفران ، تسوين الكراميل( سكر تحطينه على النار لين يذوب ويصير بني) وتوزعينه في قالب التشيز كيك اللي قاعدته متحركه ، الكميه تصلح لقالبين وصبي الخليط في القالب ولفي القالب من تحت بالقصدير وضعي القالب في حمام مائي ودخليه فرن حرارته ١٨٠ وخليه ساعه او دخلي عود اسنان لين يطلع نظيف ودخليه الثلاجه من ٦-٨ ساعات او الليل كله ويقدم بتحريك القاعده الى الاعلي ثم قلبه

مقلوبه الاسباجتي باللحم

تحمسين بصل مع ثومه مدقوقه ثم اتضيفين له لحم مقطع ومسلوق بماي من قبل ثم حطي بهار لحم وكركم وكاري مع طماطه مقطعه ومعجون طماط وشويه من ماي اللحم وخليه يتسبك شوي ثم قطع بطاط مقلي ثم ضيفي الاسباجتي اللي تكونين سالقتها من قبل وتقلبينها مع اللحم ثم الارز المشخول( المسلوق)
فوق الخليط علي نار هاديه قليلا ثم يقلب ويقدم

كيكه الايسكريم بالاوريو

تذوبين .١- ١٥ ارو اوجالكسي صغير بحمام مائي مع شويه حليب ثم توزعينه بقالب سيلكون وخليه علي الاقل ساعه يجمد وسوي طبقات ، شرايح كيك كاكاو جاهز ثم طبقه ايسكريم فانيلا ثم بسكوت اوريو مطحون مع نص اصبع زبده ثم طبقه ايسكريم كاكاو ثم شرايح كيك فانيلا جاهز واخيرا ايسكريم فراوله كي دي دي... ثم دخليه الفريزر الليل كله 🍦🍓🍦🍓

صينيه توست بالهمبرجر،

،تصفين توست اسمر بالصينيه وتدهنينه مايونيز ، وبعدين اقلي همبرجر خزان بالدجاج بالقسماط روعه وقصصيه وصفيه علي التوست وسوي حمسه بصل عادي مع بصل اخضر وثومه مدقوقه وفلفل اخضر مقصص وتبليهم ملح وفلفل اسود وبعدين حطي عليهم ٢ كريمه خفق و٢ قيمر( قشطه) صغير و٦ قفشات جبن سايل واخلطيهم مع بعض وخليه لين يثقل شوي وصبي منه فوق الهمبرجر ثم غطيه بتوست ثم باقي الصوص فوق التوست ودخليه الفرن يتحمر