مرق دجاج بمعجون كاري مدراس بحليب جوز الهند

 نحط السمن أو الزيت وبعدين صدور دجاج بدون عظم مقطعه مكعبات كبار مع رشة ملح . وخليه لين يتحمر شوي . ونحط بصله مقطعه صغير وعودين صغار دارسين (القرفة )و ملعقه صغيره حبوب الخردل و ملعقتين طعام من الزنجبيل مبشور وملعقه صغيره من حبوب الفلفل الأسود و خليه لين يذبل البصل وتطلع ريحة البهارات . ثم نحط 5 فصوص من الثوم مقطع صغير و3 ملاعق كبار من معجون  كاري مدراس و ملعقتين كبار معجون الطماط ونطبخهم مع الدجاج شوي وبعدين نحط علبه حليب جوز الهند ونهدي على النار لين  يثقل الصوص وينضج  الدجاج  آخر شي نطفي النار ونحط الكزبرة المفرومه ونزين الطبق بشوي من حليب جوز الهند وكزبرة مفرومه. نقدمه مع رز أبيض أو مع خبز 

فاهيتا اللحم المكسيكيه

باستخدام علبه فاهيتا المكسيكيه ماركه MF

وفيها خبز التورتيلا وبهار وصلصه الفاهيتا الجاهزه ... تقطعين لحم ( كيلو) الى شرايح بالطول ، نضع شرايح اللحم  في مقلاه فيها ملعقتين زيت ونحركها ونخليها لين ينشف مائها ثم نضع شرائح الفلفل الملون والبصل  ولين ينضج اللحم وحطي شويه زيت ثم توابل الفاهيتا الجاهزه بالعلبه وخليه دقيقتين علي نار هادئه ثم يوضع الخلطه  في خبز التورتيلا وتضاف صلصه الفاهيتا ( صوص التاكو) الجاهزه بالعلبه ويلف خبز التورتيلا وتقدم حاره مع خس وجبن شيدر مبشور ... وتمتعي بالطعم الخطير👌😁

التيراميسو اللذيذ .... ❤

على النار كوب وربع حليب سايل مع 2 باكيت كريم كراميل حتى تغلي مع التحريك 

ثم نضعه بالخلاط مع 3 دريم ويب مع جبن فيلادلفيا ( 200) جرام مع 2 قيمر صغير 👈 ثم ندخله الفريزر

في صينيه متحركه القاعده نصف بسكوت ( ليدي فينجر) بعد ان نغمسه شوي ( بحليب + نسكافيه)  في القاع وترك مسافه من الجوانب لوضع البسكوت داير مدار الصينيه ( ناشف بدون تغميس) ثم نضع نصف خليط الكريمه فوق البسكوت ثم نضع طبقه اخرى بسكوت فوق الخلطه ( يكون مغمس بحليب ونسكافيه) ثم باقي الكريمه ثم الفريزر لمده اربع ساعات ثم نخرجه وتركه ربع ساعه ثم فتح الصينيه وترش كاكاو بودر 

بسكوت ( ليدي فينجر) شريته من لولو هايبر

مقلوبه الدجاج بطريقه لذيذه وغير

دجاجه او دجاجتين مقطعه ثمان قطع واسلقيها بماي وضيفي شويه كمون ودارسين وهيل حب وبهار دجاج وكزبره بودر ونص ملعقه صغيره قرنفل ( مسمار) مطحون علشان يكون العيش بني و بعدين اقلي الدجاج احمسي بالقدر 3 بصل مقطع صغير بشويه زيت واذا حمر ضيفي شويه ( كمون وبهار دجاج ولومي اسود  ) ثم ضيفي الدجاج المقلي وقلبي شوي ثم ضيفي كوب طماطم مضروب بالخلاط  وملعقه معجون طماطم ومكعب ماجي وخليه يتسبك ثم صفي الخضار المقليه فوق الدجاج ( 2 باذنجان حلقات مقلي و 2 حلقات بطاط مقلي ثم الزهره المقليه وجزر حلقات مقلي واخر الخضار بصل حلقات مقلي ثم الارز المصفي من الماي ( انا ضفت للارز ملعقه هيل مطحون وفلفل اسود وكمون بودر واخلطي عجيب) ثم صبي ماي الدجاج فوق الارز بحيث يغطيه ويبين الارز وضيفي الملح وحطيه على النار... انا استخدمت قدر الضغط الطعم عجيب ولذيذ ، وله صفاره من تصفر هدي على النار وخليه فقط عشر دقايق ويقدم

طريقه الكرك وحمسه خبز بالتمر ...

الكرك ( شاي وحليب)

5 كوب ماء مغلي على النار + 3 ملاعق كبيره شاي خشن +حبات هيل وخليه على النار عشر دقايق يطبخ ثم ضيفي علبه كرنيشن او ابوقوس بالهيل +شويه زعفران + السكر ( الكميه حسب الرغبه) وخليه يغلي مره ثانيه على نار هاديه ... وتذوقي اطعم كرك 👌

---------------------

حمسه خبز ايراني بالتمر👌

حمس بصله بزبدة اوسمن ثم نحط عليه ملعقه  كمون ثم خبز ايراني (٢) شايله اطرافه مقطع طوالي ثم نحط عليه شوي تمر منقع بماي ومضروب  بالخلاط ورشيه حبه البركه لذيذ 

شوربه البروكلي👌

شوربه البروكلي👌

نحمس بصله مفرومه وثومه مدقوقه بشويه زيت واضيف زهرات البروكلي ( ربع كيلو) خليها تذبل ويتبل ملح وفلفل اسود 

تذوبين مغلف شوربه بروكلي في 5 اكواب ماي فاتر وضيفيه للبروكلي وخليه يغلي ثم ضيفي 5 ملاعق شوفان وخليه على نار هاديه من 10- 15 دقيقه .. ويقدم وزينيه بخبز محمص نكهه قيصر 👌 ماركه Mfعجيب مع الشوربه

حلا الارو وبسكوت Gavottes

حلا الارو وبسكوت Gavottes

تصفين شرايح كيك كاكاو بماعون  تكونين مغمسته بماي او حليب ، ثم تضربين بالخلاط علبه كبيره حليب نستله المكثف + قيمر كبير+كريمه خفق + 6 حبات جبن كيري 👈 ثم تصبينه فوق الكيك ثم الثلاجه يبرد ثم 👈 تسيحيين 4  كاكاو آرو كبير ( او اي كاكاو تحبينه) مع شويه حليب ثم وزعيه علي الخليط وزينيه ببسكوت Gavottes على الاطراف وبالنص كسري البسكوت ووزعيه ودخليه الثلاجه يبرد ويتماسك قبل التقديم 

وهذي صوره البسكوت Gavottes  وموجود باكثر الجمعيات وهذا حساب @mffood @mffood  تواصلوا معاهم يوصلونه لكم للبيت

صينية خضار بالدجاج بالجبن

صينية خضار بالدجاج بالجبن ... 

قطعي صدور دجاج مكعبات وحطي عليها الخضار اللي تحبين ( كوسه..قرنبيط..فلفل رومي وثوم .بصل وقرع وبطاطس، طماطم)

ورشي ملح وفتتي مكعب ماجي 

وبهار جرام ماسالا وفلفل اسود وفلفل احمروكمون.. وزيت زيتون وثلاث ملاعق معجون طماط وربع كوب ماي حار

واخلطي عدل

وغطي الصينيه بقصدير ودخليه الفرن 40 دقيقه ينضج  ثم خليه يتحمر من فوق

بعدها  حطيت الجبن شيدر وموزريلا مبشور

ودخلتها الفرن  يذوب الجبن ويحمر

اسباجتي بالروبيان

اسباجتي بالروبيان👌

تحمسين ٥ فصوص ثوم مبشور او مدقوق بزيت زيتون وخليها تحمر وضيفي كزبره مفرومه ثم الربيان وخليه يطلع مايه ثم ينشف شوي مع البهار ( كركم وفلفل احمر مجروش وبابريكا ) ثم ضيفي الاسباجتي المسلوقه وضيفي بعد زيت زيتون وحركي وخليه خمس دقايق يتشرب النكهه ... 

مسقعه باذنجان

مسقعه باذنجان  لذيذه جربوهاااا.... 😃👌

تحمسين شرايح بصل وثوم بالزيت ثم ضيفي شرايح فلفل اخضر بارد وشرايح باذنجان بدون قشر ثم طماطم مقصص صغير وملح وشوي بهار ( كاري وكركم وفلفل اسود) وعند النضج نضيف علبه نخي جاهز ( حمص او بليله) شوي على  النار  وعصير نص ليمونه ونعناع مجفف ... ويقدم 

بريوش الدجاج بالبطاط بالاجبان الثلاثه

جبن قشقوان مبشور( 150جرام) + جبن شيدر مبشور ( 150 جرام ) مع موزريلا مبشوره(200جرام) وشوي زيت زيتون ونعناع مجفف وثوم مدقوق وفلفل اسود وتخلطينهم وتاخذين ٢ كوب من الخليط وتحتفظين فيه اما باقي الخليط تضيفينه بالاخير الى حمسه فيليه دجاج مقطع صغير مع بصل وثوم وجزر مبشور وكزبره وبهارج و بطاطس مقطع مكعبات ومقلي وتحشين فيه البريوش ... تحطين في صينيه الفرن نص كميه الصوص الابيض ( 2 كريمه خفق مع ثلاث ملاعق جبن سايل )  وتصفين البريوش المحشي فوقه وصبي باقي الصوص علي البريوش وضعي خليط الجبن اللي احتفظنا فيه ودخليه الفرن  لين يذوب الجبن او يتحمر