الكريم كراميل😋🍮

الطريقه الاولى: لتر حليب( ٤كوب) + 2 ظرف كريم كراميل البودر  👈 نخلطهم مع بعض جيدا ثم يوضع علي النار ويقلب  لحد مايغلي ، وتكونين مجهزه طبق كبير او صغار وممكن عمل كراميل وصبه بالقالب ( سكر تذوبينه علي النار لين يشقر لونه) او استخدام الكراميل الجاهز او بدون وضع الكراميل

ويدخل الثلاجه من 2-3 ساعات ويقلب

الطريقه الثانيه: نخلط كوب  حليب مع كريمه خفق ( 250جرام) مع قيمر( قشطه) 250 جرام مع 2 ظرف كريم كراميل البودر ثم يوضع علي النار ويقلب الي ان يغلي ثم صبه بالقالب وادخاله الثلاجه من 2-3 ساعات ويقلب ويزين بكراميل الكريم كراميل الجاهز 

الفستقيه

تضربين بالخلاط: اصبع زبده( ..١ جرام)  +نص كوب سكر وتخلينه ٥ دقايق ثم اتضيفين  ٣ بيضات ( بيضه بيضه) +١م.ص فانيلا ثم نص كوب حليب سايل +٤حبات جبن كيري + نص  كوب فستق مطحون  ثم تضيفين الخليط الى: كوب طحين منخول +١م.ك بيكنج بودر+ رشه ملح وتخلط جميعا ثم تصب في صينيه كيك مو عميقه و المدهون بالزيت  والمرشوش بالطحين ويدخل الفرن لمده .٢ دقيقه ثم يترك يبرد ربع ساعه  

مقادير الوجه؛

٥جبن كيري+ قيمر( قشطه) نستله او بوك + نص حليب نستله + كيس دريم ويب ،، تخلط وعلي وجه التارت ويزين  بالهيرشي والفستق 

البرغل بالطماطم

تحمسين بصل بزيت وتحطين عليه شوي كاري وفلفل اسود ثم طماط تبشرينه صغار( كثري من الطماط) اطعم مع ماجي وشويه ماي وخليه يتسبك ثم برغل خشن مغسول ( البرغل مايتنقع بالماي نفس الارز) وغطيه بالماي وكل مانشف حطي عليه ماي لين ينضج  وتكون النار هاديه ... فعلا طعم روعه 👌

الفته

الفته

في طبق التقديم نضع خبز مقصص مربعات ومقلي ثم باذنجان مقصص مربعات ومقلي ثم   حمسه الحمص( النخي او البليله) نحمس في مقلاه ثوم وشرايح البصل مع فلفل اسود وكمون وكاري وكركم وملح ثم علبه الحمص واخر شي الصوص : في الخلاط ربع كوب كزبره او شبنت مع واحد روب وثومه مدقوقه وشوي ليمون وملح وفلفل اسود وملعقه طحينيه سايله وملعقه وسط جوز هند وزينيه بقدونس وصنوبر محمر

حلا الاوريو + حلا المارشملو

حلا الاوريو 

اوريو تفتحينه وتشيلين الحشوه اللي داخله وتغمسينه في تشوكليت ابيض مذوبته بحمام مائي او الميكروويف وتصفينه بصينيه عليها ورق الزبده  وتحطين فوقه كورن فليكس مخلوط بصوص الفليك  وزينيه بالهيرشي الكاكاو السايل ودخليه الثلاجه 

صوص الفليك: ( ٨ حبات فليك صغار مع نص زبده مع ٢ قيمر ( قشطه) صغار بحمام مائي

وحلا المارشملو

سهل ولذيذ.... احط صوص الفليك علي مارشملو صغير ووزعه باوراق الكب كيك واذا تبين زينيه بالهيرشي السايل وادخله الثلاجه يبرد

رز بحليب

لتر ونصف حليب سائل(٦ من الكوب المعياري)

كوب رز ( عيش) مصري ونص كوب سكر

وعلي النار حركي واذا غلي خلي النار هاديه ومهم تحركينه بملعقه خشب واذا نضج الرز وشفتيه ثقل ضيفي كوب ماء حار وحركي 

واذا حاسته بعد ثقيل حطي كوب ماء حار وحركي ... بيكون لاثقيل ولا خفيف

ودخليه الثلاجه يبرد وانا زينته بشغله حلوه ... تاخذين طبقه او طبقتين من رقائق الجلاش وتحمرينها بالفرن وتفتتينها خشنه وتخلطين معاها فستق مطحون وممكن جوز ولوز مطحون خشن مع زبده ذايبه وسكر بودرواذا حابه ماء ورد ( مسميتها  بقلاوه مفتته بدون فرن لذيذه 😋)

الهريس الكويتي

انقع ٣ كوب هريس طول الليل ( انا استخدم الهريس الاماراتي)  يسلق اللحم بعد غسله لخمس دقايق ثم نبدل الماي ( بنفس كوب الهريس حطيت ٢٤ كوب ماء ساخن غطي لي ٣/٤ القدر وقياس قدر الهريس رقم ٤ ) وخليه لين يغلي الماء ثم ضيفي الهريس بعد شخله وعلي نار عاليه لين يغلي ثم نار هاديه ويحرك كل نص ساعه وخذا معاي لين ينضج ساعتين مع اضافه ماء ساخن كل مااحتاج  ( يعني اذا حركتيه بالملعقه وحسيتيه ثقيل) وتملحينه وبعدين تشيلين العظم وتضربينه بملعقه خشب وانا استخدمت مضراب الهريس الكهربائي ويدهن الهريس بالسمن العداني او زبده ودارسين وسكر ناعم 

طريقه جوري التمر

تاخذين التمر وتشيلين اللي داخله وتسوين منه كوره وادهنيها زبده علشان ماتلزق وافرديها   وبعدين بالسكين تقصينها من الزوايا بدون ماتوصلين للوسط و وحطي الحشوه  كرات من التمر  وبعدين سكري الاطراف المتقابله نفس الصوره،،، تقدرين تسوين منه وردات صغار شي بالسمسم وجوز الهند والفستق

تارت التمر

تضربين بالخلاط: ٣بيض + ربع كوب سكر +١م.ص فانيلا +نص كوب حليب سايل + اصبع زبده( ..١جم) + عشرون تمره بدون نواه + ٢ملعقه شاي دارسين

ثم تضيفين الخليط الى: 

١و١/٢ كوب بسكوت دايجستف مطحون ( ١٧ بسكوته) +١م.ص بيكنج بودر

وتخلط جميعا ثم تصب في قالب التارت المدهون بالزيت والطحين  ويدخل الفرن لمده عشرون دقيقه ثم يترك يبرد ربع ساعه ثم يقلب 

مقادير الوجه؛

٥جبن كيري+ قيمر( قشطه) نستله او بوك + نص حليب نستله + كيس دريم ويب ،، تخلط وعلي وجه التارت ويزين بدبس التمر استخدمت كيس الكريمه بدون قمع وكرات التمر وجوري التمر

موكا موكا بارده

كوب حليب سائل بارد 

٢م.ك كاكاو بودر 

١م.ك نسكافيه

٢م.ك سكر 

كيس دريم ويب 

ثلج 

واضربيها بالخلاط وزينيها بالكريمه

عصير الرقي(الجح)

٨ اكواب مكعبات رقي بدون بذر + كوبين ثلج + شويه نعناع فرش + ملعقتين كبار سكر ... وتمتعوا بشراب الصيف المنعش المنعش😃🍉🍉🍉🍉🍉🍉🍉🍉

شيز كيك الاوريو

مقادير القاعده ؛ كوبين بسكوت اوريو + اصبع زبده( ..١جم) ذايب تخلطينها وترصينها بقالب الشيز كيك اللي ينفتح من الجوانب ودخليها الثلاجه نص ساعه  بالخلاط نخلط عدل  الحشوه: ..٣ جرام جبنه فيلادلفيا بحراره الغرفه + نص كوب حليب كارنيشن+ نص كوب حليب محلي نستله + كوب كريمه خفق سائله + ٤ حبات بسكوت اوريو مطحون ،، ونكون قبلها مذوبين واحد كيس ونص كيس جيلاتين في ربع كوب ماي ساخن ونخليه لين يبرد ونضيفه للخليط ونحركه بملعقه ثم نسكب الخليط في قالب البسكوت ودخليه الثلاجه ساعتين وزينيه بكريمه وانا استخدمت قمع Tip:18.. والهيرشي الكاكاو السائل والاوريو

كريمه التزيين؛

٤م.ك اوريو مطحون+ ٢م.ك سكر بودر+ كريمه خفق واخلطي لين تصير كريمي

سينابون البف باستري

١) نقطع العجينه بالنص علي شكل مستطيل وكل مستطيل نحط قطعه من جبنه كيري( كل جبنه اقصها ثلاث بالطول) 

٢) نرشها بالسكر البني والدارسين( القرفه) وكل مازدت السكر البني الذ وخلي الطرف الاخير فاضي علشان يتسكر بسهوله ومايفتح

٣) ونلفها ونصفها بصينيه مدهونه زيت ومرشوشه طحين ونمسحها بحليب اتحمر وندخلها الفرن  .٢ دقيقه او لين اتحمر وهي حاره صبي عليها الصوص

الصوص الابيض (الأيسينج:)

نص علبة جبنة فيلادلفياونص أصبع زبدة 

قلاص ونص سكر بودر ( الجاهز افضل)

م.ص فانيليا وم.ص ملح وربع كوب حليب بارد ،يخفق  بخفاقة الكيك حتى يصبح كالكريمة.

بعد نضج السينابون يمسح الأيسينج على السينابون وهو ساخن وسيذوب ويرش بالدارسين ونضع  الجوز المقرمش (ملعقتين زبده  في مقلاه ثم الجوز

تارت كيكه جوز الهند

تضربين بالخلاط: اصبع زبده( ..١ جرام)  +نص كوب سكر وتخلينه ٥ دقايق ثم اتضيفين  ٣ بيضات ( بيضه بيضه) +١م.ص فانيلا ثم نص كوب حليب سايل +٤حبات جبن كيري + ربع كوب جوز هند  ثم تضيفين الخليط الى: 

كوب طحين منخول +١م.ك بيكنج بودر+ رشه ملح وتخلط جميعا ثم تصب في قالب التارت المدهون بالزيت  والمرشوش بالطحين ويدخل الفرن لمده .٢ دقيقه ثم يترك يبرد ربع ساعه  

مقادير الوجه؛

٥جبن كيري+ قيمر( قشطه) نستله او بوك + نص حليب نستله + كيس دريم ويب ،، تخلط وعلي وجه التارت ويزين بالهيرشي وجوز الهند المحموس وحلى الفيرو روشيه