البيف بيرغر المنزلي ..

  اللحم طازج مفروم كيلو وخلطته مع 5 بصل مفروم وفصين ثوم مفروم  وملعقتين ورشستر صوص وملعقه شاي بهار لحم وملعقه شاي فلفل اسود وبيضه وربع كوب بقسماط وملح 

واخلطي المكونات وكوريها واضغطي عليها وبالقطاعه سوي منها اقراص وخليها ترتاح نص ساعه وتمسك وبعدين  تقلينه بالزيت او تشوينه 

وعلشان تحفظين باقي قطع البرغر صفيها بصينيه علو ورق الزبده ثم غطيها بورق زبده 

وقصدريها ودخليها فريزر يوم كامل ثم وزعيها بكيس نايلون فوق بعض ودخليها الفريزر

 

مكسيكو فته...

الطبقه الاولى: خبز تورتيلا مقطع مربعات ومقلي 

الطبقه الثانيه : حمسه فاصوليا بصوص تشيلي: نحمس بصلتين مقطعه صغار لين يلين ثم ضيفي فلفل اخضر مقطع صغير وفصين ثوم مفروم وملعقتين من بهار تاكو مكسيكي ثم كوب ونص من فاصوليا بنيه او حمراء مصفينه من مايه وضيفي كوب كزبره مقطع ثم ضيفي كوب طماطم مبشور ونص كوب ماي وخليه يتسبك دقايق ثم ضيفي نص كوب كاتشاب ونص كوب صوص تشيلي وخليه على نار هاديه دقيقتين واطفي النار وخليه تخف حرارته وحطيه فوق الخبز المقلي 

الطبقه الثالثه: جبن مبشور شيدر 

الطبقه الرابعه : الصلصه البيضا: علبه كريمه حامضه ( ساور كريم) + اربع ملاعق مايونييز+ ملعقه شاي من بودره البصل والثوم ورشه اوريجانو 

صينيه استراجانوف بخبز التورتيلا

تحمسين اول شي كوبين بصل مفروم بشويه زيت لين يحمر وارفعيه عن النار وبنفس المقلاه ضعي ربع اصبع زبده وضيفي كيلو لحم عجل مقطع استراجانوف ( مقطع مثل العيدان الرفيعه) ثم ضيفي البصل المحمر وخليه على نار هاديه وبيطلع اللحم ماي ثم ضيفي رشه فلفل اسود ودارسين مطحون وخليه لين ينشف ماي اللحم ثم ضيفي ربع شده اشبنت مفروم وثومه مدقوقه وعلبه كريمه حامضه وضيفي الملح وخليه لين ينضج اللحم وضيفي شويه ماي اذا احتاج ثم يسكب بصينيه الفرن ثم وزعي عليه خبز التورتيلا المقطع مثلثات ثم صبي الصلصه البيضا ( علبه قيمر حجم 250 + ثلاث ملاعق جبن سايل) ووزعي جبن موزريلا مبشور ودخليه الفرن فوق وتحت النار يحمر

كيكه الفستق

نخلط 3 بيض حجم كبير وملعقه كبيره فانيلا سايله وملعقه كبيره ماي زهر وكوب سكر  في الخلاط لين يصير لونه ابيض ( من7-10) دقايق ثم نضيف كوب حليب السايل ثم اصبع زبده ( 100 جرام)  وفي قالب ثاني  ننخل كوب ونص طحين مع ملعقه طعام بيكنج بودر وربع ملعقه صغيره بيكربونات الصوديوم ورشه ملح  ونضيف نص كوب فستق نصب الخليط السايل على خليط الطحين مع اضافه نقطه من اللون الاخضر ( اختياري) من فوستر كلاركس او ويلتون  ويقلب في اتجاه واحد من تحت لفوق 

ثم في صينيتين مدهونه ومرشوشه بالطحين نصب الخليط  ثم تخبز في فرن مسبق الفتح بربع ساعه ونخليها 20 دقيقه الرف الوسطي حراره 180 درجه وبعود اسنان ايضا للتاكد وبعدين نطلعها برا الفرن ربع ساعه تبرد ونقلبها وكل كيكه نقسمه نصين ونوزع عليها الكريمه ونزينها فستق

والكريمه : كريمه خفق كي دي دي ثلاث كرتون + ست ملاعق سكر بودر وبخلاط الكريمه بسرعه عاليه لين يكثف وخليه بالثلاجه يبرد

كيكه الاناناس 🍍🍍الهشه

 

لمحبي كيكه الفواكه ... وتستاهلون حبايبي ، وماتاخرت عليكم ،،، جربوها وادعولي💕 

وحطيت الفيديو اليوم

واللي ماتبي طحين ممكن تستخدمين خليط الكيك الجاهز الذهبي من بيتي كروكر وبدال الماء استخدمي عصير اناناس وحليب سايل 

نخلط 3 بيض حجم كبير وملعقه كبيره فانيلا سايله وكوب سكر  في الخلاط لين يصير لونه ابيض ( من ٧-.١) دقايق ثم نضيف نص كوب عصير الاناناس ونص كوب حليب السايل ثم اصبع زبده ( 100 جرام)  وفي قالب ثاني  ننخل كوبين طحين مع ملعقه طعام بيكنج بودر وربع ملعقه صغيره بيكربونات الصوديوم ورشه ملح  نصب الخليط السايل على خليط الطحين ويقلب في اتجاه واحد من تحت لفوق 

ثم في صينية مدهونه ومرشوشه بالطحين نوزع شرائح الاناناس والتوت الملون ونصب الخليط  ثم تخبز في فرن مسبق الفتح بربع ساعه ونخليها .٤ - ٤٥ دقيقه الرف الوسطي حراره .١٨ درجه وبعود اسنان ايضا للتاكد وبعدين نطلعها برا الفرن ربع ساعه تبرد ونقلبها ونرشها عصير اناناس او ندهنها بمربي اناناس مخلوط مع ماء الزهر حتى يعطي لمعة 

المجدره

تغسلين ربع كوب عدس اسمر وتطبخينه ربع ساعه او لين ينضج  وتصفينه 

تحطين في القدر ملعقتين زيت زيتون وشويه بهار من ( حبوب كزبره + حبوب كمون + فلفل اسود + وكركم + دارسين + كاري) ثم ضيفي كوبين برغل خشن مغسول ومصفي وقلبيه ثم ضيفي العدس وضيفي كوبين ماي وملح وخليه على نار هاديه تقريبا ربع ساعه او لين ينضج وينشف مايه وقدميه مع البصل البني المقرمش وطريقته تقطعين البصل شرايح وترشينه شويه طحين وملح واقليها بزيت غزير ساخن 

كيكه الفواكه

 كل المقادير بحراره الغرفه

تاخذين 5 بيضات وتفصلين الصفار عن البياض بماعونين وكل ماعون ضيفي له ربع كوب سكر ثم يخفق البياض بسرعه عاليه ليكون كريمي ثم يخفق صفار البيض مع اضافه ملعقه كبيره فانيلا سايله ليكثف حجمه 

نخلط المواد الجافه مع بعض ( ثلاثه ارباع كوب طحين + 2 ملعقه كبيره نشا + ملعقه كبيره بيكنج بودر) ثم نضيف المواد الجافه وبياض البيض الى صفار البيض تدريجيا وتخلط بملعقه ثم تصب بقالب مستطيل مدهون ومرشوش طحين بحراره فرن 180

من 25-30 دقيقه واخرجيه وزينيه بشرائح فواكه ثم غطيه بصلصه الكريم ( 3 عصير برتقال  + مغلف كريم كراميل+ 3 ملعقه كبيره نشا وعلى النار لتغلي ويثقل شوي ) ثم يدخل صينيه الكيك الثلاجه ليبرد ويمسك ويقطع ويزين فواكه وكريمه