الثلاثاء، 27 نوفمبر 2012

طريقه صب اللقيمات بالملعقه

ملعقة وسط ...واخذي فنجان فيه اشوي زيت وطاسة العجين والمشخال اللي بتحطين فيه اللقيمات واكيد المقلى اللي فيها الزيت الغزير الساخن على نار هاديه ...
تعصرين العجينه ، نفس الصوره ( الصوره من النت ) وراح تخرج العجينه من المكان بين السبابه والابهام ... وتقريبا راح تخرج بشكل الكوره .... تاخذينها بالملعقه التي غمسناها بالزيت ... عشان لما تصبينها بالمقلى تنزل بسرعه وما تلصق العجينه بالملعقه ( لاتستعملين الماي في صب اللقيمات علشان ماتصير فرقعه في الزيت ).... راح تكون الكور متساويه وحجمهم واحد،

لقيماتي اللذيذه

المقادير:
كرتون لقيمات العلالي او فوستر كلاركس+ ٢قلاص لبن دافئ + ١م.ك خميره+١م.ك بيكنج بودر +١م.ك نشا + ربع قلاس زيت
رشه ملح ورشه سكر ، اذا تبين كاسترد للون الاصفر

الطريقه:
تخلط المقادير مع بعض ، السوائل اولا ثم كرتون العلالي شوي شوي بالعجانه وبعدين بيدي وتكون العجينه اخف من عجينه صب القفشه واثقل من خليط الكيك واذا عجنتيها بيدج اخذي بيدج شويه ماي وردي اعجني ونخليها ساعه تخمر وبعد ماتخمر تحطين عليها ٢ بيضه وتقلينها بالزيت ( تصبينها بواسطة ملعقة في زيت ساخن غزير على نار هادئة إلى متوسطة لين اتحمر وتخلينها بالمشخال ينزل زيتها وتبرد شوي ثم الشيره ، اذا تبين زينيها فستق او سمسم


الثلاثاء، 20 نوفمبر 2012

الحلوى البحرينيه وعلى أصولها

انتبهوا هذا الحلى يحتاج الى نار عاليه جدا ووقت لمدة لاتقل عن ساعه الاربع ،
المقادير
6كاسات ماء
1كاس ماء ورد منقوع بالزعفران
1/2كاس زيت ذره
1كاس دقيق الذره (نشاء)
3 ملاعق متوسطه هيل ناعم
1ملعقه متوسطه لون احمر او اخضر
فستق مجروش – كازو مجروش حسب الكميه المرغوب بها
3كاسات و1/2سكر عادي


الطريقة :
نذوب النشاء في الماء
نضع السكر على النار ويحرك حتى يحمر أي يصبح لونه اشقر غامق
يصب عليه الماء بالنشاء ويحرك بسرعه بالملعقه ستلاحظين تكتل السكر استمري بالتحريك
حتى يذوب تماما ،اضيفي ماء الورد ثم الهيل ثم الزيت وكذلك اللون مع الاستمرار بالتحريك على نار عاليه ، كل 3 دقائق يحرك المزيج ستلاحظين انه يتماسك شيئا فشيئا اضيفي المكسرات واتركيها حتى تشاهدين المزيج يتمدد مثل العلكه
صبيه في طبق التقديم و زينيه بالمكسرات والرهش والورد المحمدي

سلطه البطاط والباذنجان بخبز الزعتر

بطاط وباذنجان مكعبات مقلي وذره وشرايح خس وفوقهم نصب صوص فرنسي البرتقالي
وفوقهم شرايح خبز مقصصه شرايح ومحمصه بزيت زيتون وزعتر

الجمعة، 16 نوفمبر 2012

الجبنيه

2 قلاص طحين ,3 ملاعق كبيرة حليب بودر , 3 ملاعق كبيرة جبن قلاص , ملعقه خميرة , نصف كأس ماء , بيضة .
* تعجن جميع المقادير مع بعضها وتترك العجينة حتى تخمر لمدة ساعة .
* افردي العجينة وقطعيها دوائر بالقطاعات او مربع الي تحبين .
* تقلى في زيت غزير وحار .
* تخفض النار عند القلي .
وبعدين حطي عليها شيره وزينيها بالفستق

الخميس، 15 نوفمبر 2012

حمسه الكوسا بالثوم

كوسه مقطعه شرايح ، ثوم ، وزيت وبهار الكاري وملح وفلفل اسود واحمر

احط الزيت وبعدين الثوم اضيف عليه الكوسه والملح والفلفل والكاري واغطيه الين يستوي

الأحد، 11 نوفمبر 2012

مجبوس البرغل بالطماطم

تغسلين البرغل ( استخدمت ٣ قلاصات ) جم مره لحد ما يصفى معاج الماء( ما يتنقع بس تغسلينه )
تحمسين بصل ابيض مقصص جوانح لحد ما يذبل شوي ثم قطع الدجاج المسلوق نص او ثلاث ارباع سلقه مع بهارج ومكعب ماجي وبعدين تضيفين الفلفل الاخضر والطماط المقصص صغير وتحمسينهم شوي لحد ما يذوب الطماط تضيفين عليهم البرغل مع عصير الطماط ( طماط تقصصينه وتضربينه بالخلاط لا تكثرين عصير طماط لان البرغل راح يستوي مع البخار ) حطي كميه معقوله جنج تسوين مجبوس لحد ما ينشف العصير واخليه شوي على نار هاديه يخدر ... يقدم وعوافي

الشيشبرك

تسوين عجينه ( ربع كيس الطحين ) مع ملح وتحطين ماي وتعجنين لين تحصلين عجينه لينه مثل عجينه الفطاير بس بدون خميره
وغطيها وخليها ترتاح من ربع الي نص ساعه
وتسوين حمسه لحم مفروم مع البصل المقطع صغار وشوي ثوم مدقوق وطماطه مقصصه صغار واذا تبين شوي بقدونس وشبنت حطي مع الملح وبهارج وتاخذين قطعه صغيره من العجينه وافردها دائره صغيره ويوضع قليل من الحشو وتقفل نص دائره ثم تاخذين اطرافهم لورا وتلصقينهم ببعض وتصير مثل الاذن ..

تاخذين قدر متوسط الحجم وتحطين ٥ علب روب مع ١٢ قلاص ماي وقفشه نشا وبيضه كبيره ( النشا والبيض زين علشان ماينفك اللبن اذا طبخ ) وملح وتحطينه على النار وتحركين وماتوقفين عن الحركه علشان مايفك اللبن الى ان يفور وشيلي ايدج وحطي العجين الصغار اللي حشيتيه وياخذ من الوقت نص ساعه ويقدم واذا تبين زينيه بحمسه ثوم وكزبره مفرومه

الجمعة، 9 نوفمبر 2012

حمص بالشاورما

نحمر ثومه مدقوقه وبصله مقطعه صغار بزيت ثم نضيف اللحم ويقلب على النار( انا استخدمت لحم مفروم ماكان عندي فيليه ) ويقلب على النار حتى ينضج مع اضافه القليل من الماء اذا احتاج ثم يتبل بملح وفلفل اسود وبهار، ثم نضع الحمص في طبق التقديم وفوقه الشاورما ويزين بحبات الحمص( النخي) مع البقدونس والسماق

البطاطس المشويه بالاعشاب

نقطع بطاطس اجنحه ونقعها في ماي ساخن مع ملح نصف ساعه ثم تصفى
في مقلاه نحط زيت زيتون ثلث كوب ونحمر الثوم ونضيف البطاطس ويقلب ويتبل اوريغانو وفلفل احمر وفلفل اسود وملح ونخليه علي النار مع التقليب لين ينضج
والصوص: نص كوب كريمه حامضه مع ملعقه شاي اوريغانو ونص ملعقه شاي ثوم مهروس

سلطه الباذنجان بدبس الرمان

نمسح شرايح الباذنجان بزيت زيتون ونتبله ملح وفلفل اسود ثم يشوي على الجانبين بالشوايه حتى تلين وتتحمر
ونشوي بعد شرايح بصل
ثم نسوي طبقات من شرايح الباذنجان والبصل في طبق التقديم ثم نصب الصلصه عليه ويزين بحبات الرمان
الصلصه: ٣ملعقه اكل زيت زيتون مع ٦ ملعقه اكل دبس رمان مع ٣ملعقه اكل كزبره مفرومه ويتبل ملح وفلفل اسود

الثلاثاء، 6 نوفمبر 2012

المقلوبه

فاكهه التنين... Dragon fruit

الكثير قد يعرفه
و الاكثر قد لايعرفها ...... فاكهة (الدراجون)
Dragon fruit ( فاكهه التنين)
وسميت بهذا الاسم لان شكلها الخارجي يشبه التنين وتسمى ايضا بالبيتايا
طعمها قريب من الكمثرى
اللب له لونان الاحمر والابيض والوردي
هى من العائلة الصبارية Cactus family
ويوجد منها عدة انواع تنتشر من الجنوب الشرقى لاسيا وحتى الى امريكا الجنوبية
الثمرة مستطيلة او بيضاوية مغطاة بقشرة حمراء لامعة او صفراء لها قشور صغيرة الحجم...تحتوى على لب ابيض عصيرى حلو المذاق و تحتوى الثمار على بذور صغيرة جدا سوداء.
الثمار سريعه النمو وكبيرة الحجم تحوى بذور صغيرة جدا ذاتية التلقيح
والثمار تؤكل اما طازجة او مبردة وينصح باكلها مع الليمون او باضافتها لعصير الليمون وكذلك مع الايس كريم
اللب يستعمل فى عمل المربات والعصائر وسلطه فواكه والبراعم الزهرية يمكن طبخها مع الخضراوات ولعمل الشاي

فوتشيني بالمشروم

نسخن الزبده مع شويه زيت ثم البصل الاخضر المفروم حتى يذبل ثم يضاف المشروم ( ٢كوب) ويقلب على النار شوي
نسلق الفوتشيني في ماي مغلي مع زيت وملح ثم تصفى وتشطف بماء بارد
نسخن زيت ثم نضيف له خليط المشروم مع الطماط المفروم والبقدونس والكزبره والريحان المفروم ويتبل ملح وفلفل اسود ثم نضيف المعكرونه للخليط ثم يزين بجبن البارميزان والاوريغانو ويقدم

الاثنين، 5 نوفمبر 2012

رهش بالكاكاو... سهل ولذيذ

نذوب ٦ جالكسي ساده بحمام مائي او بالميكروويف فقط دقيقه وندهن فيه قوالب السيليكون على شكل مستطيل ، القاعده والاطراف ونخليه بالفريزر مده ثلث ساعه الى ساعه يجمد، ناخذ رهش( حلاوه طحينيه) ونقصها بالسكين ونحطها بماعون ونحط فوقه طحينيه السايله( هرده) علشان تصير عندي مثل العجينه اللينه متماسكه واعبي فيها قوالب السيليكون واحطها فريزر الليل كله افضل وبعدين تقصصينها وتقدمينها حلا قهوه

الأحد، 4 نوفمبر 2012

فول لذيذ بحمسه

تحمسون بصله صغيره شرايح مع فص ثوم مدقوق بزيت زيتون وتحطون عليه كمون وفلفل اسود شوي وبعدين بقدونس شوي مفروم وفليفله صغيره خضرا مقطعه شرايح طواليه وطماطه مقطعه صغير وقفشه معجون طماط
وحطو عليه علبه فول مقشر بالخلطه السريه كاليفورنيا... وقدميه وصبي شوي زيت زيتون عليه وتمتعي بالطعم اللذيذ

كيكه الكاكاو بالفليك والمالتيزر

كرتون كيك الشوكلا من بيتي كروكر ، تسوين نفس اللي مكتوب على العلبه وحطيه بقالب كيك مدهون وراشه عليه طحين ودخليه الفرن
.٤ دقيقه وخليه يبرد شوي وحطيي عليه كريما الكاكاو: في الخلاط ٤ كيري وقيمر صغير وعلبه كريما و٢ دريم ويب و٤ ملعقه بودر كاكاو وغطي فيه الكيكه وزينيه بالفليك والمالتيزر

حمسه الحلوم بالطماط

حمسه الحلوم بالطماط
قصصي ٢ طماط صغار مع حلوم مربعات وحطيهم بالمقلايه ووطي علي النار وخليه يطبخ لين ينضج ، بس لاينشف خلي فيه مروق وقدميه ورشي عليه زعتر وزيت زيتون

صينية الدجاج بالفرن

نتبل الدجاج بعصير ليمونتين ....بصلة مبشورة ناااعم وملعقة كبيرة كمون ...2فص تووم مهرووس وملعقة كبيرة صلصة ...بهارات الدجاج ملعقة فنجان قهوة خل ..رشة خفيفة ملح ونتركها حوالي ساعتين في الثلاجة حتى تمتص التتبيلة ونحط في الصينية بطااطس مقطع دوائر وفوقها الدجاج
ونسوي حمسه طماط :نحمر البصل بالزبدة وملعقة زيت ثم نضع الثوووم ثم الطماطم والماجي والبهاراات وتقريبا فنجان من الماء ونخليها شوي علي النار وبعدين نحطها علي الدجاج وحطيت شرايح من اليمون
وقصدريها ودخليها الفرن من تحت وبعدين افتحي القصدير من فوق يتحمر شوي
وقدميها مع الارز المشخول او الخبز


الاسباجتي بالباشاميل بحشوه الدجاج

نحمس دجاجه بعد ماسلقناها وقطعناها صغار مع بصل وثوم مدقوق مع بهارج ( كمون وكاري وفلفل اسود وكركم ) وماجي مكعب ومعجون طماط وشويه جزر مبشور مع كزبره او بقدونس طازج او بودر ، وممكن بدال الدجاج لحم ، وتضيفين للحمسه جيس اسباجتي مسلوق بماي وزيت وملح وحطيه بصينيه الفرن الدائريه وصينيه قوالب الكب كيك وزعيه وصبي عليه صلصه الباشاميل
وبعدين وزعي ( جبن موزريلا البقرات الثلات المخلوط مع اوريجانو وبابريكاوسماق وبيضه) وعلي الوجه وعلى الفرن من تحت وبعدين من فوق يتحمر..

صلصه الباشاميل
، الباشاميل الجاهز من كنور او ماجي او اللي تسوينه بالبيت وطريقته: في جدر زبده مع شوي زيت وضيفي ٤ملاعق طحين وحركيه ثم ٣ قلاصات حليب دافئ وحركيه لين يثقل وسكريه وحطي عليه ٢ ملعقه جبن قلاص سايل ، انا ضاعفت الكميه علشان القالب الثاني وصبيه علي المعكرونه
اذا خلصت المعكرونه وطلعتيها من الفرن خليها نص ساعه تخف حرارتها وتثقل شوي وانا استخدمت ملعقه الكيك المسطحه لقالب الكب كيك حركتها من الاطراف و شلتها وتصير تقلبينها بعد والافضل استخدمي تحتها قصدير او ورق الزبده تكون الشيله اسهل

عرايس الحلوم...

نحشي خبز لبناني بخليط جبن حلوم مفروم او مبشور( وغسليه من الملوحه ) مع طمام مفروم وبقدونس مفروم وشوية زيت زيتون وزعتر ونشويهم بشواية ويقطع
مثلثات ...وفعلا يمي😋

انواع الارز

🍚رز بالكمون
تغسلين ٢ كوب رز التموين وتنقعينه من نص الى ساعه ، تسوين ارز مشخول : تحطين ماي وافر مع ملح وزيت دلال حتى يغلي ثم تضيفين الارز بعد ماتصفينه وتخلينه يغلي ٦ دقايق ثم يصفى ، تحطين بالجدر ملعقه اكل سمن ثم نص الارز ثم الكمون الحب وتكرر الطبقه وعلى سطح الارز ملعقه سمن وتغطينه بورق الالومنيوم وتتركينه على نار هاديه لين ينضج
كميه الكمون الحب ربع كوب

🍚الرز المقلي ( الصيني)
تاخذين مقلاه وتحطين فيها زيت دلال مع البصل مع مكعب الخضار ثم جزر مفروم وبصل اخضر مفروم ثم نص كوب بزاليا ونص كوب مشروم مفروم وعلى النار دقيقتين ثم تضاف له ربع كوب صلصه الصويا وتخلطينهم عدل مع ارز التموين المطبوخ ( المشخول ٢كوب منه)

🍚رز بالزعفران
تغسلين ٢ كوب ارز التموين وتنقعينه من نص الى ساعه
تذوبين ١م. شاي زعفران بشويه ماي ساخن
وتخلينه ربع ساعه
تسوين ارز مشخول : ماي وفير مع زيت وملح في جدر على النار لين يغلي ثم تضيفين الارز بعد ماتصفينه من الماي وتخلينه ٦ دقايق ثم يصفى ، تحطين سمن بالجدر ثم الارز المشخول وفوقه نقيع الزعفران ثم يغطي بورق الالومنيوم وعلى نار هاديه لين ينضج

🍚رز بالشعيريه
يغسل ٢ كوب الارز وينقع من نص ساعه الى ساعه
تحمرين نص كوب بصل مفروم ثم تضاف نص كوب شعيريه وتقلبينها على النار لين تحمر ثم يضاف الرز بعد ماتصفينه ويتبل بالملح ويضاف له الماء الساخن فوقه باصبعين واذا غلى خففي النار وغطيه بورق قصدير لين ينضج

🍚رز بالشبنت
يغسل ٢ كوب الرز وينقع بالماي ساعه
ثم نعمل ارز مشخول ، كما ذكرت سابقا
نضع سمنه بجدر ثم نصف كميه الارز المشخول ثم نص كميه الاشبنت وتكرر الطبقه ويغطي بورق الومنيوم وعلى نار هاديه لين ينضج ... كميه الاشبنت نص كوب اشبنت مفروم

السبت، 3 نوفمبر 2012

لاتسكبي الدهون في الحوض

لا تسكبى الدهون فى الحوض فبمجرد ان تبرد سينسد الحوض كما تأكدى من تنطيف الأوانى جيداً من كل بقايا الطعام لنفس السبب
والطريقة المُثلى للتخلص من الزيت بعد القلي هو وضع المتبقي منه
بعد أن يبرد في علبه بلاستيك فارغة يمكن غلقها بإحكام ، او كيس بلاستك وربطه
ثم يتم التخلص منها مع الفضلات والنفايات

الشبك المعدني للكيك والحلويات

الشبك المعدني ..
لنضع عليه وندهن به طبقة الكيك او الحلا الذي يحتاج الي صوص او كريمه و تحته صينية واسعة ( تجمع لنا الفائض من الشوكو او الصوص فالفائض منه راح نستعملة من جديد 🔙 ماراح يضيع شئ ..

خبز الثوم + صمون شيباتا بالجبن والريحان

خبز الثوم...
قطعي خبز المطاحن الخبز الابيض الفرنسي الى حلقات سميكه ثم ادهنيه بزبده ذايبه مخلوطه مع ثوم مدقوق واوريجانو ثم ضعي جبن الموزريلا المبشور من بريدج او اي نوع عندج ودخليه الفرن من فوق يسيح الجبن

صمون شيباتا الجبن مع الريحان
تخلطين جبن شيدر مبشور من ماركه بريدج او اي ماركه مع شوي زيت زيتون وسماق وريحان مقصص، تدهنين الشيباتا بصوص الرانش او المايونيز ثم تحطين الحشوه وتحطينه بالشوايه او الميكروويف ... وتمتعي بالطعم

الجمعة، 2 نوفمبر 2012

سلطة بتتبيله الزعتر والشبنت

نحط بالطبق اللي نقدمة الخس بعدين رشة شرايح زيتون اسود او اخضر
بعدها نرش عليها الخبز( خبز مقطع ومشوحينه على النار مع زيت الزيتون والزعتر)
وانا استخدمت اطراف التوست اللي نشيلهم دايما من التوست وبالأخير الصوص ونرجع نكرر نفس الطبقات ..آخر طبقة رشيت عليها شوية بابريكا وزعتر وسماق
الصوص او التتبيله
علبة روب و٣ ملعقه صوص رانش للسلطات
ونص حزمة شبنت وملعقتين زعتر وملح وليمون وزيت زيتون..
نخلطهم بالخلاط لحد ما يصير اللون أخضر
@fatometooo